सिलगढी: सिलगढीको प्रधाननगर स्थित अनुग्रह चर्चले आज उच्च माध्यमिक तहका उत्कृष्ट विद्यार्थीहरूलाई सम्मान गरेको छ। कार्यक्रममा विद्यार्थीहरुलाई पुष्पगुच्छा, मेडल र मिठाईले सम्मान गरियो। अनुग्रह चर्चका प्रमुख सपन शीलले विद्यार्थीको मनोबल बढाउन हरेक वर्ष यस्तो अभिनन्दन कार्यक्रम आयोजना गर्ने बताए। यस वर्ष उच्च माध्यमिकमा उत्कृष्ट हुने २२ विद्यार्थीलाई सम्मान गरिएको छ। साथै उनको उज्ज्वल भविष्यको कामना समेत गरिएको छ। अन्य विद्यार्थीलाई पनि राम्रो प्रदर्शन गर्न प्रेरित गर्ने हाम्रो उद्देश्य रहेको उनले बताए। उनले भने, ‘विद्यार्थीहरुले उत्कृष्ट प्रदर्शन गरेकोमा हामी गर्व गर्छौं।‘