अलिपुरद्वार: अलिपुरद्वार जिल्लाको चकचाका क्षेत्रमा गाडीको ठक्करबाट एक जनाको मृत्यु भएको छ। बालुवा र ढुङ्गा बोकेको गाडीमा काम गर्न जाने क्रममा उनलाई पछाडिबाट सानो गाडीले ठक्कर दिएको बताइएको छ ।जसका कारण उनी गम्भीर घाइते भएका थिए। घटना लगत्तै घाइतेलाई उपचारका लागि कमखागुरी अस्पताल पुर्‍याइएकामा चिकित्सकले मृत घोषणा गरेका थिए। शवलाई पोस्टमार्टमका लागि अलीपुरद्वार जिल्ला अस्पतालमा पठाइएको छ।