कोलम्बो: भारत र पाकिस्तानबीच टी२० वर्ल्ड कपको म्याच आइतवार कोलम्बोमा खेलिनेछ। म्याच आर प्रेमादासा स्टेडियममा खेलिनेछ, जहाँको पीचले साधारणत स्पिन बलरहरूलाई अतिरिक्त सहायता पुऱ्याउँछ। भारतीय टीममा मिस्ट्री स्पिनर वरुण चक्रवर्ती र अक्षर पटेल रहेका छन् तर पाकिस्तानको पनि स्पिन आक्रमण मजबूत रहेको छ। पाकिस्तानी टीममा पनि अबरार अहमद र उस्मान तारिक जस्ता स्पिनर छन्, जसले भारतीय ब्याटरहरूलाई चुनौती दिन सक्छन्। भारतीय टीम शुरुवाती २ वटा म्याचमा २ जना स्पिनरको साथ खेलेको छ। अहिले कोलम्बोको पीचलाई ध्यानमा राखेर भारतले पाकिस्तानविरुद्ध ३ जना विशेषज्ञ स्पिनर खेलाउने सम्भावनालाई पनि खारेज गर्न सकिँदैन। भारतका महान क्रिकेटर सुनिल गावस्करले पनि पेस बलर अर्शदीप सिंहको स्थानमा कुलदीप यादवलाई खेलाउने सल्लाह दिएका छन्। म्याचको अघिल्लो दिन अभ्यास सत्रको अवधि कप्तान सूर्यकुमार यादव र प्रशिक्षक गौतम गम्भीरले पीचको निरीक्षण अवश्यै गर्नेछन्। शुक्रवार यसै मैदानमा जिम्बाब्वेले अष्ट्रेलियालाई उलटफेरको शिकार बनाएको थियो। यसबाहेक मिस्ट्री स्पिनर चक्रवर्ती, अहमद र तारिकले पीचबाट कति अतिरिक्त सहायता पाउनेछन् भन्ने त म्याचको दिन नै पत्तो लाग्नेछ। गत वर्ष आईपीएलको अवधि चक्रवर्तीको साइडस्पिनदेखि ओभरस्पिन गर्ने क्षमतामा सुधार आएको छ। कोणमा हल्का बद्लाउको साथ चक्रवर्तीले अन्य स्पिनरहरूका तुलनामा अधिक तेजीको साथ (औसत ९६ किमी प्रति घण्टा) बलिंग गर्छन् तर आर प्रेमादासा स्टेडियमको पीचले उनलाई धीमा बलिंग गर्न वाध्य गर्नसक्छ। यो बाबर आजम जस्ता ब्याटरहरूको निम्ति राम्रो संकेत होइन, जो चौथो नम्बरमा ब्याटिंग गर्छन् अनि चक्रवर्तीको बलिंगमा संघर्ष गर्दै आएका छन्। पाकिस्तानका पूर्व कप्तान अहिले पनि शुरुदेखि संघर्ष गरिरहेका छन् अनि अमेरिकाविरुद्ध गत म्याचमा पनि आधुनिक क्रिकेटको हिसाबले खेल्ने उनको हिच्किचाहटको नमूना देख्न पाइयो। चक्रवर्तीको जवाफ दिन पाकिस्तानसँग पनि तारिकको रूपमा फर्ममा रहने बलर रहेको छ। उनको साइड आर्म एक्शन र बल छोड़नअघि क्रीजमा सामान्य रोकिने तरिकाको क्रिकेट जगतमा निक्कै चर्चा भइरहेको छ। अब आइतवार यस अफ् स्पिनर समक्ष भारतको मजबूत ब्याटिंग लाइन अप-लाई रोक्ने चुनौती रहनेछ। अबरार अहिले फर्ममा नरहे पनि उनीसँग भारतीय टीमसँग खेल्ने पर्याप्त अनुभव रहेको छ। यसबाहेक कोलम्बोको पीचमा यस लेग स्पिनरले अहिले पनि कड़ा चुनौती पेश गर्न सक्छन्। यस २७ वर्षीय बलरको मुख्य हतियार नै गुगली र क्यारम बल रहेको छ, जसको साथ उनले आफ्नो ४९ टी२० इण्टरनेशनल विकेटमा ३४ वटा हासिल गरेका छन्।