कोलकाता: पश्चिम बंगालको दुर्गा पूजाले विश्वव्यापी मान्यता पाएको छ। हरेक पटक झैँ यसपटक पनि दुर्गा पूजाका लागि थिममा आधारित पण्डलहरू मूर्तिले सजाउन थालेका छन्। बंगालको दुर्गा पूजालाई युनेस्कोले पनि मान्यता दिएको छ। यस अन्तर्गत यसपटक दुर्गा पूजापछि अक्टोबरको अन्तिम साता उत्कृष्ट दुर्गाका मूर्ति र पूजाका विषयवस्तुको प्रदर्शनी गरिने भएको छ। यस शृङ्खलामा दिल्लीका कलाकार शुभ्र चन्दले दुर्गा पूजाको अवसरमा कोलकातामा शुद्ध सुनको पन्नीले माँ दुर्गाको अनुहार कोरेका थिए। यस्तो अद्भूत चित्रण देखेर सबै छक्क परिरहेका छन्।