कोलकाता: हालै पद्मश्री सम्मान प्राप्त मुम्बईका प्रसिद्ध चलचित्र निर्देशक मधुर भण्डारकर कोलकाताको पी–३६ सीआईटी रोडस्थित “कासा इन्डिया” विपनीमा पुगेका छन्। उद्यमी विकास दुकाणियाको अभिनव पहलको प्रशंसा गर्न उनी त्यहाँ पुगेका हुन्।
विकास दुकाणियाले देशको संस्कृति र कुटीर उद्योगलाई आधार बनाएर साधारण कुशनलाई नयाँ रूप दिएका छन्, जसले मानिसहरूको ध्यान आकर्षित गरिरहेको छ। उनको यस प्रयासको प्रशंसा गर्दै मधुर भण्डारकरले भने कि यस्ता सिर्जनात्मक पहल हेर्न र प्रोत्साहन गर्न आफू टाढा मुम्बईबाट यहाँ आएका हुन्।
विकास दुकाणियाले सञ्चारकर्मीलाई जानकारी दिँदै भने कि उनले तयार पारेका यी कुशन अब भारतका विभिन्न भागहरूमा उपलब्ध हुनेछन्। यति मात्र होइन, दुबईसँग वैदेशिक व्यापारका विषयमा पनि छलफल चलिरहेको छ।
उनले यस कार्यमा आफ्नी पत्नी वन्दना दुकाणिया, छोरी तृषा र छोरा यश दुकाणियाले पूर्ण सहयोग गरेको पनि बताएका छन्।