काेचबिहार: बुधवार गुरियाहाटी दुई ग्राम पञ्चायतको नेहरू नगर क्षेत्रमा एक सरकारी मोडल मदरसेको छेउमा बम फेला पर्नाले स्थानीय क्षेत्रमा ठूलो सन्त्रास फैलिएको छ।
प्राप्त जानकारी अनुसार, सिमेन्ट दोकानको छेउमा प्लास्टिक ब्यागभित्र बम राखिएको भेटिएको थियो। समाचार फैलिँसाथै घटनास्थलमा मानिसहरूको भीड जम्मा भयो र मदरसेका विद्यार्थीहरू सहित स्थानीय बासिन्दाहरू भयभीत भए।
सूचना पाएलगत्तै पुलिस घटनास्थलमा पुगेको थियो। प्रहरीले अत्यन्त सतर्कतापूर्वक बम कब्जामा लिएर सुरक्षित स्थानमा पुर्‍याएको छ। त्यसबेला मदरसेमा कक्षाहरू सञ्चालन भइरहेका थिए, जसका कारण ठूलो दुर्घटना हुन सक्ने सम्भावना रहेको थियो।
पुलिसले वरिपरीको सीसीटीभी फुटेज को जाँच गरिरहेको छ। बम कसले राखेको हो र कुन उद्देश्यले राखिएको हो भन्ने विषयमा अनुसन्धान जारी छ।
स्थानीयहरूले भनेका छन्, “यस्तो घटना पहिला कहिल्यै भएको थिएन।” पुलिसले सम्पूर्ण मामिलाको गहन अनुसन्धान गरिरहेको छ।