सिलगढी: आगामी कालीपूजालाई शान्तिपूर्ण, सुरक्षित र व्यवस्थित रूपमा सम्पन्न गर्ने उद्देश्यले सिलगढी पुलिस प्रशासनले सुरक्षा तयारीलाई तीव्र पारेको छ। यसैक्रममा सिलगढी पुलिस कमिश्नर (आईपीएस) श्री सैयद वाकार राजाले वरिष्ठ पुलिस अधिकृतहरूसँगै सिलगढी पुलिस कमिश्नररेटअन्तर्गतका विभिन्न कालीपूजा मण्डपहरूको प्रत्यक्ष निरीक्षण गर्दै समग्र सुरक्षा तथा सुव्यवस्थाको समीक्षा गरेका छन्।

निरीक्षणका क्रममा पूजाको समयमा हुन सक्ने भीडभाडलाई व्यवस्थित गर्न भीड नियन्त्रण (क्राउड म्यानेजमेन्ट), अग्नि सुरक्षा (फायर सेफ्टी), विद्युतीय सुरक्षा (इलेक्ट्रिकल सेफ्टी) तथा अन्य अत्यावश्यक सुरक्षात्मक उपायहरूमा विशेष जोड दिइएको छ। चाडपर्वका बेला कुनैपनि प्रकारको अवाञ्छित घटना हुन नदिन र आम नागरिकको सुरक्षालाई सर्वोच्च प्राथमिकतामा राख्दै पुलिस टोलीले आवश्यक सतर्कता अपनाएको छ।
​सिलगढी पुलिस कमिश्नररेटले “तपाईंहरूको सुरक्षा नै हाम्रो पहिलो प्राथमिकता हो” भन्ने सन्देशसहित सम्पूर्ण नगरवासीहरूलाई शान्तिपूर्ण र उल्लासपूर्ण वातावरणमा चाडपर्व मनाउन आह्वान गरेको छ।