१३ सेप्टेम्बरः पहाड़ी युवा संघ, रोंगचोंगको तत्त्वावधानमा आयोजित कल्पना छेत्री अनि रञ्जना शेर्पा स्मृति च्यालेञ्ज कप नक्आउट फूटबल टुर्नामेण्टमा मंगलवार दुईवटा म्याच खेलियो। लोहापुल (एनएच १०) नजिक रोंगचोंग प्राइमरी स्कूल खेल मैदानमा आज भएको पहिलो म्याचमा कालीझोड़ा युवा परिवारले एजेएस (रोलक)-लाई ६-२-ले पराजित गऱ्यो। विजेता टीमबाट रुपक तामाङ, सुमित छेत्री र राहुल तामाङले २-२ गोल गोल गरे। यसरी नै एजेएस-बाट प्रतीक छेत्रीले २ गोल गरे । दिनको दोस्रो म्याचमा ९ स्टार रम्बी बजारले सोनादा डाँड़ागाउँ एफसी-लाई ५-१-ले पराजित गऱ्यो। विजेता टीमबाट श्यामल हल्दार र धीरज सुनारले २-२ गोल गरे। यसबाहेक 1 गोल अमिर लामाले गरे। सोनादाको टीमबाट दीपेश लिम्बुले गोल गरे। यस सेभेन ए साइड टुर्नामेण्टमा जम्मा ३६ वटा टीमले हिस्सा लिएको छ। टुर्नामेण्टको दुईवटा सेमिफाइनल ३० सेप्टेम्बरमा हुनेछ। यसरी नै फाइनल २ अक्टोबरमा खेलिनेछ। टुर्नामेण्टमा च्याम्पियन हुने टीमलाई ट्रफीको साथमा १ लाख १० हजार रुपियाँको नगद पुरस्कार प्रदान गरिनेछ। यसरी नै रनर अप् हुने टीमलाई ट्रफीको साथमा ६० हजार रुपियाँको नगद पुरस्कार प्रदान गरिनेछ।