लस एञ्जिलिस: भारतका स्टार लामो दूरीका धावक गुलवीर सिंहले एकपल्ट फेरि असाधारण प्रदर्शन गरेका छन्। लस एञ्जिलिसमा आयोजित एलए ट्र्याक फेस्टिवलमा गुलवीरले पुरुषहरूका ५००० मीटरको दोड़मा रजत पदक जित्नको साथै आफ्नै राष्ट्रिय रेकर्ड तोड़े। गुलवीरलले १३ मिनट ०३.९३ सेकेण्डको समय निकालेर दोस्रो स्थान हासिल गरे। यस स्पर्धामा इरीट्रियाका हबतोम सेमुएलले १२ मिनट ५७.२२ सेकेण्डको समयसहित स्वर्ण पदक जिते। भारतीय धावकले आफ्नो पुरानो राष्ट्रिय रेकर्ड (१३ मिनट ११.८२ सेकेण्ड) तोड़े, जुन उनले सेप्टेम्बर २०२४-मा जापानमा बनाएका थिए। गुलवीर सिंहको यस उपलब्धिमाथि भारतीय सेनाले पनि गर्व व्यक्त गरेको छ। इण्डियन आर्मी स्पोर्टस एण्ड एडवेञ्चर-ले सोशल मीडियामा लेखेको छ, भारतीय सेनाका खेलाड़ीले एकपल्ट फेरि वैश्विक मञ्चमा असाधारण प्रदर्शन गरे। नायक सुबेदार गुलवीर सिंहले लस एञ्जिलिस ट्र्याक फेस्टमा पुरुषहरूका ५००० मीटर दौड़मा रजत पदक जित्दै १३ः०३ः९३-को नयाँ राष्ट्रिय रेकर्ड बनाए। उनले आफ्नै पुरानो राष्ट्रिय रेकर्ड तोड़ेर भारतीय लामो दूरीको दौड़लाई नयाँ पहिचान दिलाएका छन्। गुलवीरले अनुशासन, मेहनत र दृढ़ संकल्पको साथ भारतीय एथलेटिक्सलाई नयाँ उँचाईमा लगिररहेका छन्। आगामी खेल सत्रको निम्ति शुभकामना। गुलवीर अहिले अमेरिकाको कोलोराडो स्प्रिंगमा अभ्यास गरिरहेका छन्। उनले ३००० मीटरदेखि लिएर २५ किलोमीटर रेड रेससम्म धेरैवटा राष्ट्रिय रेकर्ड बनाइसकेका छन्। उनको नाममा ३००० मीटर, ५००० मीटर र १०००० मीटरको राष्ट्रिय रेकर्ड रहेको छ। यसबाहेक उनी ५००० मीटर र १०००० मीटरको वर्तमान एशियाई च्याम्पियन पनि हुन्।