नयाँ दिल्ली: केन्द्रीय मन्त्री अनुराग ठाकुर र राज्य मन्त्री सुश्री मीनाक्षी लेखीले शुक्रबार साँझ मुम्बईमा पाँच-दिने एससीओ फिल्म फेस्टिभलको भव्य समारोहमा दीप प्रज्वलन गरेर उद्घाटन गरिन्। उद्घाटन समारोहमा अतिथि हेमा मालिनी, अक्षय कुमार, टाइगर श्राफ, साजिद नाडियाडवाला, ईशा गुप्ता, पूनम ढिल्लन, एली अवराम, हर्षिता भट्ट र ज्याकी भगनानी जस्ता अन्य प्रख्यात चलचित्र व्यक्तित्वहरू उपस्थित थिए।
सूचना र प्रसारण मन्त्री अनुराग सिंह ठाकुरले भने, ‘भारतीय चलचित्रहरू एससीओ देशहरूमा अत्यन्त लोकप्रिय छन् र यी चलचित्रहरूले मानिस-मानिसको सम्बन्धमा ठूलो भूमिका खेलेका छन्l’ उनले यस फिल्म फेस्टिभलको मुख्य उद्देश्य एससीओ क्षेत्रका फिल्मको विविधता र फिल्म निर्माणका विभिन्न शैलीलाई परिचय गराउनु रहेको बताए। मन्त्री ठाकुरले यस महोत्सवले यस क्षेत्रका देशहरूबीच चलचित्र साझेदारी निर्माण गर्ने सुनौलो अवसर प्रदान गरेको बताए।
एससीओ फिल्म फेस्टिभलमा कूल ५७ फिल्म प्रदर्शन गरिने छ भने फिल्म फेस्टिभलको प्रतिस्पर्धात्मक खण्डमा १४ फिल्म मनोनयनमा परेका छन्। जसमा पन्नालिनको ओस्कारमा मनोनित गुजराती फिल्म ‘चेल्लो शो’ र निखिल महाजनको अवार्ड विजेता मराठी फिल्म ‘गोदावरी’ पर्छन्। एससीओ फिल्म फेस्टिभल अन्तर्राष्ट्रिय सहयोग संगठन भारतको अध्यक्षतामा आयोजना हुँदैछ। यो पनि स्वतन्त्रताको अमृत महोत्सवको एक हिस्सा हो।
एनिमेसन सिरिज ‘भारत है हम’को प्रोमो रिलिज
यसै अवसरमा एनिमेसन सिरिज ‘भारत है हम’ को प्रोमो सार्वजनिक गरिएको छ। सूचना र प्रसारण मन्त्रालयको तर्फबाट ग्राफिटी मल्टि मिडियाको सहयोगमा केन्द्रीय संचार ब्यूरोद्वारा निर्मित यो ५२-भाग शृङ्खलाले हाम्रा सबैभन्दा महत्त्वपूर्ण दर्शकहरू बालबालिकाहरूलाई प्रसिद्ध र अज्ञात स्वतन्त्रता सेनानीहरूको कथा बताउँछ। ‘आजादी का अमृत महोत्सव’को ब्यानरअन्तर्गत शोरुनरहरू मुन्जल श्राफ र तिलक शेट्टीद्वारा सिर्जना गरिएको यो शृङ्खलाले कृष, त्रिश र बाल्टिब्वाय नामक कार्टुन पात्रहरू प्रस्तुत गरेको छ। वरिष्ठ पार्श्व गायक सुदेश भोस्लेले स्वर दिएका छन्।
एससीओको बारेमा
सन् २००१ मा गठन भएको सांघाई सहयोग संगठन (एससीसो) भौगोलिक क्षेत्र र जनसंख्याको हिसाबले विश्वको सबैभन्दा ठूलो क्षेत्रीय संगठन हो। यसले यूरेशियाको क्षेत्रफलको ६० प्रतिशत, विश्वको जनसंख्याको ४० प्रतिशत र विश्वव्यापी जीडीपीको ३० प्रतिशतभन्दा बढी ओगटेको छ। भारत, चीन, रुस, पाकिस्तान, कजाकिस्तान, किर्गिस्तान, ताजिकिस्तान र उज्वेकिस्तान यसका सदस्य राष्ट्र हुन्। -पीआईबी
About Author
