नयाँ दिल्ली: ईरान र साउदी अरबबीच २०२३ मा चीनको मध्यस्थतामा भएको ऐतिहासिक शान्ति सम्झौता अहिले कमजोर हुँदै गएको छ। पछिल्ला मिसाइल तथा ड्रोन आक्रमणपछि दुवै देशबीच सम्बन्ध फेरि तनावपूर्ण बनेको छ।
प्राप्त जानकारीअनुसार पछिल्ला केही हप्तामा भएको आक्रमणपछि साउदी अरबले कडा प्रतिक्रिया दिएको छ र आपसी विश्वास लगभग समाप्त भएको संकेत देखिएको छ।
साउदी विदेशमन्त्री फैसल बिन फरहानले “तनावको जवाफ तनावले दिइनेछ” भन्दै ईरानसँगको सम्बन्धलाई रणनीतिक साझेदारीका रूपमा नहेर्ने स्पष्ट संकेत दिएका छन्।
विशेषज्ञहरूका अनुसार मध्यपूर्वको सुरक्षा अवस्था, अमेरिका–इजरायलको सैन्य गतिविधि र क्षेत्रीय प्रतिस्पर्धाले यो तनाव अझ बढाइरहेको छ।