लण्डन: ईंग्लिश प्रीमियर लीग फूटबल प्रतियोगितामा आर्सनल र चेल्सीले आ-आफ्नो म्याच जित्यो भने म्यानचेष्टर युनाइटेडले हारको सामना गर्नु पऱ्यो। यसरी म्यानचेष्टर सिटी पनि निराशाजनक ड्र-मा रोकियो। बुधवार राति खेलिएको म्याचमा आर्सनलले ब्राइटनविरुद्ध १-०-ले रोमाञ्चक जीत हासिल गऱ्यो। यस अवे म्याचमा ४२ प्रतिशत पोजेशनको साथ खेल्ने आर्सनलले जीतको निम्ति निक्कै लड़ाइँ गर्नु पऱ्यो। विजेता टीमबाट म्याचको एकमात्र गोल बुकायो साकाले नवौं मिनटमा गरे। यस जीतको साथ आर्सनल ३० वटा म्याचममा ६७ पोइण्ट्सको साथ प्रीमियर लीग पोइण्ट्स टेबलको शीर्ष स्थानमा कायम रह्यो। यसरी म्यानचेष्टर सिटी र नटिंघम फरेष्टबीच खेलिएको म्याच २-२-ले ड्र रह्यो। आफ्नो होम ग्राउण्ड ऐतिहाद स्टेडियममा ६९ प्रतिशत पोजेशनको साथ खेल्ने सिटीले म्याचमा २ पल्ट बढ़त हासिल गरे पनि म्याच जित्न सकेन। होम टीमबाट म्याचमा एण्टोनी सेमेन्योले ३१औं र रोड्रीले ६२औं मिनटमा गोल गरे। यसरी नटिंघम फरेष्टबाट मोर्गन गिब्स-व्हाइटले ५६औं र एलियट एण्डरसनले ७६औं मिनटमा गोल गरे। यस ड्र पछि म्यानचेष्टर सिटी २९ वटा म्याचमा ६० पोइण्ट्सको साथ दोस्रो स्थानमा कायम रह्यो। यसरी नटिंघम फरेष्ट २८ पोइण्ट्सको साथ १७औं स्थानमा रहेको छ।
यसरी असल फर्ममा रहने म्यानचेष्टर युनाइटेडले न्यूक्यासल युनाइटेडविरुद्ध १-२-ले हारको सामना गर्नु पऱ्यो। यूएफा च्याम्पियन्स लीगको प्री-क्वार्टर फाइनलमा स्थान बनाउने न्यूक्यासलले मध्यान्तर पछि १० जना खेलाड़ीको साथ खेल्नु परे पनि युनाइटेडले त्यसको फाइदा उठाउन सकेन। आफ्नो होम ग्राउण्ड सेण्ट जेम्स पार्कमा ४८ प्रतिशत पोजेशनको साथ खेल्ने न्यूक्यासलबाट एन्थोनी गोर्डनले मध्यान्तर अघि इञ्ज्युरी टाइमको छैटौं मिनटमा गोल गरे। त्यसपछि विलियम ओसुलाले ९०औं मिनटमा गोल गरी टीमलाई रोमाञ्चक जीत दिलाए। यसरी म्यानचेष्टर युनाइटेडबाट कासेमिरोले मध्यान्तर अघि इञ्ज्युरी टाइमको नवौं मिनटमा गोल गरे। म्याचमा न्यूक्यासलका जेकब रामसेलाई मध्यान्तर अघि इञ्ज्युरी टाइमको पहिलो मिनटमा रेड कार्ड देखाइयो। यस हारपछि पनि युनाइटेड २९ वटा म्याचमा ५१ पोइण्ट्सको साथ गोल अन्तरको आधारमा तेस्रो स्थानमा कायम रह्यो। यसरी न्यूक्यासल ३९ पोइण्ट्सको साथ १२औं स्थानमा रहेको छ। चेल्सीलाई चाहिँ एस्टन भिल्लाविरुद्ध ४-१-ले जीत हासिल गर्न कुनै समस्या भएन। यस अवे म्याचमा ५९ प्रतिशत पोजेशनको साथ खेल्ने चेल्सीबाट जोआओ पेड्रोले ह्याट्रिक गरे। उनले ३५औं मिनट, मध्यान्तर अघि इञ्ज्युरी टाइमको छैटौं मिनट र ६४औं मिनटमा गोल गरे। अन्य एउटा गोल कोल पाल्मरले ५५औं मिनटमा गरे। यसरी एस्टन भिल्लाबाट डगलस लुइजले दोस्रो मिनटमा गोल गरे। एस्टन भिल्ला ५१ पोइण्ट्सको साथ चौथो र चेल्सी ४८ पोइण्ट्सको साथ पाँचौं स्थानमा रहेको छ। अन्य एउटा म्याचमा वेष्ट ह्यामले फूलह्यामलाई १-०-ले पराजित गऱ्यो।