नयाँ दिल्ली: दिल्ली क्यापिटल्सका कप्तान अक्षर पटेलले बताएअनुसार, उनी व्यक्तिगत रूपले आईपीएलमा इम्प्याक्ट प्लेयर नियमको पक्षमा छैनन्। उनले यस नियमले १० वटा टीमको यस टुर्नामेण्टमा अलराउण्डरहरूका भूमिकालाई कम्ती गर्ने बताएका छन्। आईपीएलको १९औं सीजन २८ मार्चदेखि शुरु हुनेछ। इम्प्याक्ट प्लेयरको नियम २०२३-मा लागू गरिएको थियो। यस नियमले म्याचको अवधि दुवै टीमलाई एउटा ईनिंग्समा एकजना ब्याटर या बलर बदलिने अनुमति दिन्छ। अक्षरले भने, सत्य कुरा भन्दा मलाई यो नियम मन पर्दैन कारण म एकजना अलराउण्डर हूँ। पहिला ब्याट र बल दुवैको साथ योगदान दिन टीमहरूले अलराउण्डरहरू चयन गर्थ्यो तर यस नियमले गर्दा टीम म्यानेजमेण्टले अलराउण्डरहरूलाई नखेलाएर विशेषज्ञ ब्याटर या बलरलाई चयन गर्ने गर्छ। म अलराउण्डर भएको हुनाले मलाई यो नियम मन पर्दैन तर नियम त नियम हो अनि हामीले त्यसलाई पालन गर्नु पर्छ। व्यक्तिगत दृष्टिकोणले चाहिँ मलाई यो नियम मन पर्दैन। आईपीएल २०२६-मा दिल्ली क्यापिटल्सको पहिलो म्याच लखनऊ सुपर जाइण्ट्सविरुद्ध रहेको छ। साल २०२४-देखि दिल्ली क्यापिटल्सको कप्तान रहने अक्षरले इम्प्याक्ट प्लेयरको नियमले गर्दा उनको ब्याटिंग पोजिशन प्रभावित भएको पनि स्वीकार गरे।