८ अप्रेलः आईपीएल २०२३ मा शनिवार खेलिएको दोस्रो म्याचमा चारपल्टको च्याम्पियन चेन्नई सुपर किंग्सले पाँचपल्टको च्याम्पियन मुम्बई इण्डियन्सलाई ७ विकेटले पराजित गऱ्यो। एमएस धोनीको कप्तानीमा रहने चेन्नई सुपर किंग्सको यो तीनवटा म्याचमा दोस्रो जीत हो। मुम्बई इण्डियन्सले चाहिँ अहिलेसम्म दुईवटा म्याच खेलेर दुवै हारेको छ। आफ्नो होम ग्राउण्ड वानखेड़े स्टेडियममा टस हारेर पहिला ब्याटिंग गर्दै मुम्बई इण्डियन्सले २० ओभरमा ८ विकेट गुमाएर १५७ रन बनायो। ईशान किशनले ३२, टिम डेविडले ३१, तिलक वर्माले २२ र कप्तान रोहित शर्माले २१ रन बनाए। चेन्नईका बलरहरूमा रविन्द्र जडेजाले ४ ओभरमा २० रन खर्च गरी सर्वाधिक ३ विकेट लिए। यसबाहेक तुषार देशपाण्डे र मिचेल सेण्टनरले २-२ विकेट हासिल गरे। जवाफमा चेन्नई सुपर किंग्सले ११ बल बाँकी रहँदै ३ विकेटमा १५९ रन बनाएर म्याच जित्यो। अनुभवी अजिंक्य रहाणेले २७ बलमा ७ वटा चौका र ३ वटा छक्काको साथ सर्वाधिक ६१ रन बनाए। यसबाहेक ओपनर रुतुराज गायकवाड़ले अविजित ४०, शिवम दुबेले २८ र अम्बाती रायुडुले अविजित २० रन बनाए।