अहमदाबाद: टी२० वर्ल्ड कप २०२६-को फाइनल म्याच भारत र न्यूजील्याण्डबीच आइतवार अहमदाबादको नरेन्द्र मोदी स्टेडियममा खेलिनेछ। फाइनलमा गत विजेता भारत समक्ष न्यूजील्याण्डको कड़ा चुनौती हुनेछ। रिपोर्ट्स अनुसार, खिताबी म्याचमा प्रयोग गरिने पीच ब्याटरहरूका निम्ति अनुकूल मानिएको छ। यस पीचमा लगभग २०० रनको स्कोर बनिने सम्भावना छ। प्राप्त जानकारी अनुसार फाइनल म्याच सेण्टर विकेटमा खेलिनेछ। यसै पीचमा क्यानाडा र दक्षिण अफ्रिकाबीच म्याच खेलिनेछ। त्यस म्याचमा दक्षिण अफ्रिकाले ४ विकेटमा २१३ रनको विशाल स्कोर बनाएर ५७ रनले जीत हासिल गरेको थियो। पीचबाट स्पिनरहरूलाई अतिरिक्त सहायता प्राप्त हुने सम्भावना छैन जबकि पेस बलरहरूलाई अतिरिक्त गति र बाउन्स प्राप्त हुनसक्छ। पीचको व्यवहार धेरै हदसम्म मुम्बईको वानखेड़े स्टेडियमको जस्तो रहने आशा छ, जहाँ भारतले ईंग्ल्याण्डलाई पराजित गरी फाइनलमा स्थान बनाएको थियो। फाइनलको निम्ति तयार गरिएको पीच ताजा हुनेछ। पीचलाई रातो र कालो माटोको मिश्रणले तयार गरिएको छ। यो पीच २०२३ वनडे वर्ल्ड कपको फाइनलमा प्रयोग गरिएको पीचभन्दा धेरै अलग हुनेछ। २०२३ वनडे वर्ल्ड कपको फाइनल पनि यसै म्याचमा खेलिएको थियो। त्यस म्याचमा प्रयोग गरिएको पीच कालो माटोले बनिएको अनि पहिला प्रयोग गरिएको थियो। यसैकारण पीच धीमा र कम्ती बाउन्स रहेको थियो। यसैकारण फाइनलमा भारत केवल २४० रनमा अलआउट भएको थियो अनि अष्ट्रेलियाले ६ विकेटले म्याच जितेको थियो। आईसीसी टुर्नामेण्टहरूमा साधारणत पीच आईसीसीकै क्यूरेटरहरूका देखरेखमा तयार गरिन्छ तर २०२३ वर्ल्ड कप फाइनलको अवधि पीचको चयनमा बीसीसीआई र भारतीय टीमको विचारलाई सुनिएको खबर आएको थियो। त्यस फसेलाको निक्कै आलोचना भएको थियो।