गोलाघाट: असम नेपाली साहित्य सभा (अनेसास) असम र उत्तरपूर्वका गोर्खाहरूको एकमात्र शीर्ष साहित्यिक संस्थाको स्वर्ण जयन्ती सन् २०२४ को पहिलो त्रैमासिकमा पूर्वी असमको गोलाघाट जिल्लाको सरुपाथरमा आयोजना हुनेछ। अनेसाले ५० वर्षको गौरवपूर्ण अस्तित्व र असमका गोर्खाहरू र राष्ट्रप्रति निरन्तर सामुदायिक र साहित्यिक सेवा गरेको ४ जनवरी २०२४ मा पूरा गर्नेछ। यो असमको साहित्यिक संस्थाको जन्म ४ जनवरी १९७४ मानिन्छ त्यसैले अनेसास ले २०२३-२०२४ लाई स्वर्ण जयन्ती वर्षको रूपमा घोषणा गरेर पालन गर्दै आएको र असममा ४ जनवरी २०२३ बाट बिभिन्न कार्यक्रम सुसम्पन्न भईरहेको हो। साहित्यिक संस्थाको स्वर्ण जयन्तीका उपलब्धि सहितको गौरवमय इतिहासको महत्वलाई मध्यनजर गर्दै गोलाघाट जिल्लाको गोर्खाहरु सरुपाथरस्थित बोलोसिंह राई मेमोरियल स्कूल (बीएमएस) परिसरमा भेटे। धनसिरी, बोकाखाट, मेरापानी र गोलाघाट गरी चार महुकमाका गोर्खावासी भेला भएका हुन्। असम नेपाली साहित्य सभाले औपचारिक रुपमा अनेसास स्वर्ण जयन्ती स्वागतकारिणी समिति गठन गर्ने उद्देश्यले आइतबार संयोजक समितिको आहृवानमा सभा बसेकोहो। असम नेपाली साहित्य सभा (एएनएसएस) का अध्यक्ष एवं साहित्य अकादमी पुरस्कार विजेता दुर्गा खतिवडाले अनेसास झण्डा उत्तोलन गरेपछि कार्यकारी अध्यक्ष तथा विश्वनाथ महाविद्यालयका अधक्ष्य डा चिन्तामनी शर्माले शहीदहरू र गोर्खा पुर्खाहरूप्रति पुष्प अर्पण गर्नुका साथै दीप प्रज्वलन गरी श्रद्धाञ्जली ज्ञापन गरे। प्रतीकात्मक रूपमा गोर्खा नेता तथा अनेसास पदाधिकारीहरूले बीएमएस ग्रुप अफ इन्स्टिच्युसनका संस्थापक तथा अखिल भारतीय गोर्खा लिग (एआईजीएल)का पूर्व नेता स्वर्गीय शिवाजी राईको शालिकमा खाँदा र माल्यार्पण गरी श्रद्धाञ्जली गर्दै समुदायका लागि उहाँको आधा शताब्दी लामो योगदानको स्मरण गरे।
अनेसासका महासचिव मदन थापाले उद्घाटन सम्बोधन गर्दै स्वागतकारिनी समिति गठनको बैठक शुरु गरेका थिए। गोलाघाट जिल्ला अनेसास अध्यक्ष गोपाल श्रेष्ठले स्वागत मन्तव्यमा बैठकको उद्देश्य प्रष्ट पारे भने मूलसचिव शोभितमान विष्टले अतिथिहरुको परिचय र अभिनन्दन गरा । अनेसास स्वर्ण जयन्ती उपसमितिका संयोजक तथा अनेसासका उपाध्यक्ष तिलोक शर्माको अध्यक्षतामा भएको बैठकलाई अखिल सम गोर्खा छात्र संघ (आग्सु)का पूर्व अध्यक्ष तथा गोर्खा स्वायत्त परिषद् माग समिति (जीएसीडीसी)का वरिष्ठ उपाध्यक्ष दिलबहादुर लिम्बु, भारतीय गोर्खा परिसंघ (भागोप), असम राज्य समितिका महासचिव नन्द किराती दिवान, गोलाघाट जिल्ला गोर्खा छात्र संघका सल्लाहकार सञ्जीव छेत्री, असम गोर्खा सम्मेलनका पूर्व केन्द्रीय कार्यकारिणी सदस्य, विश्वनाथ छेत्री र मगर साहित्य सभा, असमका रिकुटे पुलमीले गोलाघाटको गोर्खाहरूको तर्फबाट सभालाई सम्बोधन गरे। सबै वक्ताहरूले सर्वसम्मतिले स्वर्ण जयन्ती भव्य रूपमा आयोजना गर्ने इच्छा व्यक्त गरे र साहित्य सभाले गोर्खाहरूको सांस्कृतिक सम्पदा र समुदायको समृद्ध साहित्यिक धरोहर झल्काउने गरी सहयोग गर्ने बताए।
बैठकले सर्वसम्मतिले अनेसास स्वर्ण जयन्ती स्वागत कारिणी समितिको अध्यक्षमा अनेसास बोकाखाट प्रतिनिधि तिलोक शर्मा, कार्यकारी अध्यक्ष मा आग्सु र जीएसीडीसीकाप्रतिनिधि उरियामघाट दिलबहादुर लिम्बु, महासचिवमा असम गोरखा सम्मेलनका प्रतिनिधि बडपथार बाट राजु श्रेष्ठ र मेरापानीबाट भारतीय गोर्खा परिसंघ (भागोप) का असम राज्यका महासचिव नन्द किराती देवानलाई प्रचार प्रसार उपसमितीको अधक्ष्य सर्वसम्मतिले चयन गरेको छ। राज्य स्तरका सबै गोर्खा नागरिक समाज संगठनहरूको नेतृत्वमा स्वागतकारिनी समिति गठन गरियो। यसअघि आफ्नो सम्बोधनमा अनेसास अध्यक्ष दुर्गा खतिवडाले संस्थाको मिशन र भिजन र यसका उपलब्धिहरूबारे विस्तृतमा बोलेका थिए। उनले गोर्खा समुदाय उपजाति/जनजाति साहित्यमा योगदान पुर्याएकोमा कुनै पनि समुदायबाट एकजना लेखक/लेखकलाई अनेसास मापदण्डमा पुरस्कृत गरिने बताए। अनेसासका कार्यकारी अध्यक्ष डा चिन्तामनी शर्माले आफ्नो मन्तव्यमा स्वागतकारिनी समिति गठनको प्रक्रियाबारे जानकारी दिँदै अभिवेशन उद्घाटन सत्र, पुरस्कार, अभिनन्दन र अन्तरक्रियात्मक सत्र, राज्य, राष्ट्रिय र अन्तर्राष्ट्रिय साहित्यिक सत्रमा विभाजन गरी ४ दिनसम्म फैलिने जानकारी दिए। सामुदायिक गोष्ठी, सांस्कृतिक र साहित्यिक आदानप्रदान, गोर्खा बहुजातीय प्रदर्शनी, समापन समारोहको साथ अन्तिम दिन खुला सत्र रहने जानकारी दिए। डा. शर्माले अनेसास स्वर्ण जयन्ती स्वागतकारिनी समितिलाई सुचारु रूपमा सञ्चालन गर्न गोलाघाटका गोर्खावासीसँग सहयोग मागेका छन् र असम नेपाली साहित्य सभा (अनेसास)का पदाधिकारी र नेताहरू सधैं सम्पर्कमा रहने र आवश्यकता अनुसार गोलाघाट भ्रमण अधिवेशन सफल समापनसम्म सबै प्रकारको सहयोगको लागि गर्ने आश्वासन दिए। बैठकमा गोलाघाटका चारै महुकमा बाट ५०० भन्दा बढी मानिसहरुको उपस्थिति रहेको थियो। अनेसास स्वर्ण जयन्ती स्वागतकारिनी समितिमा उपस्थित एएजीएसयु, एजीएस, जीएसीडीसी र बीजीपीका नेताहरुसँगै गोर्खा जनजाति तथा सामुदायिक संगठनका नेताहरु सहभागी भए। यस बारेमा अनेसास स्वर्ण जयन्ती तथा १६औ त्रयोवार्षिक महाअधिवेशन स्वागतकारिणी समितिका प्रचारप्रसार उपसमितिका अध्यक्ष नन्द किराती देवानले प्रेस विज्ञप्तिद्वारा बताएका छन्l
About Author
