मेलबर्न: वर्तमान च्याम्पियन यानिक सिनरले खिताब बचाउने अभियानको सकारात्मक शुरुवात गर्दै मंंगलवार अष्ट्रेलियन ओपन टेनिस टुर्नामेण्टको दोस्रो राउण्डमा स्थान बनाए। यसरी महिला एकलमा पनि वर्तमान च्याम्पियन मेडिसन कीजले संघर्षपूर्ण जीत हासिल गरिन्। सिनरले रड लेवर एरेनामा केवल ३ गेम गुमाए अनि एक घण्टाभन्दा सामान्य अधिक समय बिताएर खिताबी ह्याट्रिक पूरा गर्ने आफ्नो अभियान शुरु गरे। विश्वका दोस्रो नम्बरका खेलाड़ी सिनर म्याचमा ६-२, ६-१-ले अघि रहेको समय उनका प्रतिद्वन्द्वी ह्यूगो गेस्टनले अचानक अज्ञात चोटले गर्दा म्याचबाट हट्ने फसेला गरे। सिनर सालको पहिलो ग्राण्ड स्ल्याम टुर्नामेण्टमा लगातार ३ पल्ट च्याम्पियन बन्ने चौथो खेलाड़ी बन्ने प्रयासमा रहेका छन्। पुरुष एकलको अन्य एउटा म्याचमा अमेरिकाका बेन शेल्टनले फ्रान्सका यूगो हम्बर्टलाई ६-३, ७- (२), ७-६ (५)-ले पराजित गरी दोस्रो राउण्डमा प्रवेश गरे। टुर्नामेण्टमा आठौं वरीयता प्राप्त शेल्टन गत वर्ष टुर्नामेण्टको सेमिफाइनलमा पुगेका थिए। यसरी बेल्जियमका राफेल कोलिग्नन चौथो सेटमा रिटायर हुँदा पाँचौं वरीयता प्राप्त लोरेञ्जो मुसेट्टी दोस्रो राउण्डमा पुगे। बेल्जियमका खेलाड़ीले चोटले गर्दा म्याचबाट हट्ने फसेला गरे। त्यस समय मुसेट्टी ४-६, ७-६ (३), ७-५, ३-२-ले अघि रहेका थिए।
यसरी महिला एकलमा वर्तमान च्याम्पियन कीजले सीधा सेटमा जीत हासिल गरिन्।। नवौं वरीयता प्राप्त कीजले पहिलो राउण्डमा ओलेक्सान्द्रा ओलिन्यकोवालाई ७-६ (६), ६-१-ले पराजित गरिन्। बिहानको सत्रमा महिला एकलमा दुईजना वरीयता प्राप्त खेलाड़ीले हारको सामना गर्नु पऱ्यो। इण्डोनेशियाकी जेनिस टजेनले क्यानाडाकी २२औं वरीयता प्राप्त लेयला फर्नाण्डीजलाई ६-२, ७-६ (१)-ले अनि चेक रिपब्लिककी टेरेजा वेलेण्टोवाले अष्ट्रेलियाकी ३०औं वरीयता प्राप्त माया जाइण्टलाई ६-४, ६-४-ले पराजित गरिन्। पूर्व यूएस ओपन च्याम्पियन स्लोएन स्टीफन्स पनि पहिलो राउण्डमा क्यारोलिना प्लिसकोवाविरुद्ध ७-६ (७), ६-२-ले पराजित भइन्। साल २०१७-मा यूएस ओपनको खिताब जित्ने स्टीफन्सले यस साल क्वालीफायरको माध्यमले मुख्य ड्र-मा स्थान बनाएकी थिइन्।