अलिपुरद्वार: यस वर्ष नगरपालिकाले अलिपुरद्वार शहरको छठ पूजा घाटहरूमा थप सतर्कता अपनाइरहेको छ। आइतबार नगरपालिका अध्यक्ष प्रोसेनजित कार र उपाध्यक्ष मम्पी अधिकारीले अलिपुरद्वार शहरका विभिन्न वडामा छठ पूजा घाटको भ्रमण गरे। अलीपुरद्वार नगरपालिकाले मालबजारको माल नदीमा मूर्ति विसर्जनका क्रममा आठ जनाको ज्यान गएको घटनाबाट पाठ सिक्दै यस वर्ष छठ पूजाको घाटमा थप सतर्कता अपनाइरहेको छ। खोलाहरूमा बाँसका खम्बा राखेर सिमाना चिन्ह लगाइएको छ। साथै बत्ती र पिउने पानीको समेत पर्याप्त मात्रामा व्यवस्था गरिएको छ। नगरको वडा नम्बर १, १०, ११, १५, १८ का घाटमा सबैभन्दा बढी भक्तजनको भीड हुने गरेको छ। यसैलाई मध्यनजर गर्दै नगरपालिकाले ती वडाहरूमा थप चासो देखाएको छ।