म्याड्रिड: यूएफा च्याम्पियन्स लीग फूटबल प्रतियोगिताको क्वार्टर फाइनल राउण्डको पहिलो लेगमा बायर्न म्यूनिख र आर्सनलले रोमाञ्चक जीत हासिल गऱ्यो। मंगलवार राति खेलिएको म्याचमा जर्मनीको अग्रणी क्लब बायर्न म्यूनिखले टुर्नामेण्टको सबैभन्दा सफल टीम स्पेनिश क्लब रियल म्याड्रिडलाई २-१-ले पराजित गऱ्यो। रेकर्ड १५ पल्टको च्याम्पियन रियल म्याड्रिडलाई आफ्नो होम ग्राउण्डमा हासिल भएको यस हारले ठूलो धक्का लाग्यो कारण दोस्रो लेगको म्याच जर्मन क्लबको होम ग्राउण्डमा खेलिनेछ। यसरी बायर्नलाई दोस्रो लेग अघि सामान्य भए पनि मानसिक बढ़त हासिल भएको छ। रियल म्याड्रिडको होम ग्राउण्ड सेण्टियागो बर्नब्यू स्टेडियममा ५२ प्रतिशत पोजेशनको साथ खेल्ने बायर्नले मध्यान्तरको ठीक अघि अनि पछि १-१ गोल गरेर म्याच जित्यो। जर्मन क्लबको निम्ति लुईस डिआजले ४१औं मिनटमा पहिलो गोल गरे। उनले भिन्सेण्ट कोम्पानीको असाधारण पासलाई गोलमा परिणत गरे। मध्यान्तरसम्म १ गोलले अघि रहने बायर्नले दोस्रो हाफको शुरुमै बढ़तलाई दोब्बर पाऱ्यो। ह्यारी केनले माइकल ओलिसको पासमा ४६औं मिनटमा बायर्नको निम्ति दोस्रो गोल गरे। लगभग एक घण्टापछि रियल म्याड्रिडले आक्रमणमा तेजी ल्यायो अनि कीलियन एम्बाप्पेले ७४औं मिनटमा ट्रेण्ट एलेक्जेण्डर-अर्नोल्डको क्रसलाई गोलमा परिणत गरे। रहल समयमा रियलले लगातार आक्रमण गरे पनि गोल गर्न सकेन। यस अवधि बायर्नका गोलकीपर मेनुएल नुयेरले एम्बाप्पे र विनिसियस जूनियरको केही असल प्रयासहरूलाई असफल गरे।
यसरी अन्य एउटा म्याचमा प्रीमियर लीग क्लब आर्सनलले पोर्तुगलको क्लब स्पोर्टिंग लिस्बनलाई १-०-ले पराजित गऱ्यो। आफ्नो होम ग्राउण्डमा ४२ प्रतिशत पोजेशनको साथ खेल्ने पोर्तुगीच क्लबले आर्सनललाई पूरा म्याचमा कड़ा चुनौती दियो। यसैकारण आर्सनलले म्याचको एकमात्र गोलको निम्ति पनि लगभग अन्तिम क्षणसम्म प्रतीक्षा गर्नु पऱ्यो। अन्तमा काई हावेर्त्जले दिलाएको गोलले प्रीमियर लीग क्लबलाई विजयी बनायो। जर्मनीका फूटबलरले इञ्ज्युरी टाइमको पहिलो मिनटमा गोल गरे। आर्सनलले अब १६ अप्रेलमा खेलिने दोस्रो लेगको म्याचमा आफ्नो होम ग्रााउण्डमा पोर्तुगीच क्लबको सामना गर्नेछ।