अमरावती/अगरतला: देशको तीनवटा लोकसभा सीट र सातवटा विधानसभा सीटहरूमा भएको उपचुनावको मतदानको नतिजा आउँदैछ। मतगणना आज बिहान ८ बजेदेखि शुरु भएको छ। उत्तर प्रदेशको रामपुर र आजमगढमा उपचुनाव भएको थियो भने पञ्जाबको संगरुर लोकसभा सिटमा भएको थियो। जबकि दिल्ली, झारखण्ड, आन्ध्र प्रदेश र त्रिपुराका सात विधानसभा सीटका लागि पनि जुन २३ मा उपचुनाव भएको थियो। आन्ध्र प्रदेशको सत्तारुढ वाईएसआरसीपीका उम्मेद्वार एम. विक्रम रेड्डीले आत्मकुर विधानसभा उपचुनावमा ८२,७४२ मतको अन्तरले विजयी भएका छन्। उनले निकटतम प्रतिद्वन्द्वी भाजपाका जी भरत कुमारलाई हराए। त्रिपुराको बारदौली सिटबाट भाजपाका उम्मेदवार तथा मुख्यमन्त्री माणिक साह विजयी भएका छन्। उनी ६ हजार १०४ मतले विजयी भएका छन्।