​ईटानगर: अरुणाचल प्रदेश कर्मचारी चयन बोर्ड (एपीएसएसबी) ले सञ्चालन गरेको संयुक्त स्नातक तह परीक्षा २०२६ को अन्तिम नतिजा सार्वजनिक भएको छ। बोर्डले योग्यता र प्राथमिकताका आधारमा विभिन्न पदका लागि कुल १३९ जना उम्मेदवारलाई नियुक्ति तथा सेवाका लागि सिफारिस गरेको छ।
​सार्वजनिक नतिजा अनुसार सबैभन्दा बढी अपर डिभिजन क्लर्क पदमा १०१ जना उम्मेदवार सिफारिस भएका छन्। त्यसैगरी व्यक्तिगत सहायक (स्टेनोग्राफर ग्रेड-III) मा ३६ जना र लाइब्रेरियन पदमा २ जना सफल भएका छन्।
​परीक्षाको नतिजा सार्वजनिक भएसँगै अरुणाचल प्रदेशका मुख्यमन्त्री पेमा खाँडले सफल उम्मेदवारहरूलाई बधाई ज्ञापन गरेका छन्। सामाजिक सञ्जालमार्फत शुभकामना सन्देश दिँदै मुख्यमन्त्री खाँडले सार्वजनिक सेवाको नयाँ अध्याय सुरु गर्न लागेका सबै उम्मेदवारहरूको उज्ज्वल र सफल कार्यकालको कामना गरेका छन्।