​सिलगढी: उपभोक्ताको स्वास्थ्य तथा खाद्य सुरक्षालाई ध्यानमा राख्दै सिलगढी नगरपालिका र खाद्य सुरक्षा विभागको संयुक्त टोलीले बजार अनुगमनलाई तीव्र बनाएको छ। सोही क्रममा टोलीले चर्च रोडस्थित ‘गुरु स्विट्स एण्ड स्न्याक्स’ र ‘स्वागत स्विट फ्याक्ट्री’मा आकस्मिक निरीक्षण गरेको छ।
​खाद्य पदार्थको स्वच्छता, गुणस्तर तथा खाद्य सुरक्षाका तोकिएका मापदण्डहरू पालन भए–नभएको सुनिश्चित गर्न नियमित अनुगमनअन्तर्गत यो निरीक्षण गरिएको सिलगढी नगर निगमले जनाएको छ।
​निरीक्षणका क्रममा टोलीले मिठाई उत्पादन गरिने ठाउँ, भण्डारण कक्ष र बिक्री कक्षको सरसफाइको अवस्था सुक्ष्म रूपमा जाँच गरेको थियो। साथै, व्यवसायीहरूलाई सफा-सुग्घर वातावरणमा खाद्य वस्तु तयार पार्न र सुरक्षा मापदण्डको पूर्ण पालना गर्न निर्देशन दिइएको छ।