​जलपाइगुढी: तृणमूल कंग्रेस (टीएमसी) नेतृत्वको जलपाइगुढी नगरपालिकाका अध्यक्ष सैकत चटर्जीले आफ्नो पदबाट राजीनामा दिएका छन्।
​केही दिनअघि नगरपालिकाका धेरैजसो काउन्सिलरहरूले अध्यक्ष चटर्जीविरुद्ध अविश्वासको प्रस्ताव दर्ता गराएका थिए। प्रस्ताव दर्ता भएपछि तोकिएको समयसीमाभित्र अध्यक्षले बैठक नडाकेको आरोप लागेको थियो।
​बैठक नडाकेपछि राज्यको नगरपालिका मामिला तथा सहरी विकास विभागले अध्यक्ष चटर्जीलाई स्पष्टीकरण (शो-कज) सोधेको थियो। उक्त राजनीतिक विकासक्रमलगत्तै सैकत चटर्जीले बिहीबार जलपाइगुढी नगरपालिकाको अध्यक्ष पदबाट राजीनामा दिएका हुन्।