मुख्यमन्त्री खाण्डूद्वारा धावक तथा साहसिक प्रेमीहरूलाई निम्तो
​

ईटानगर: अरुणाचल प्रदेशका मुख्यमन्त्री पेमा खाण्डूले ‘तवाङ म्याराथन २०२६’ को घोषणा गर्दै विश्वभरका धावक, फिटनेस प्रेमी तथा साहसिक पर्यटकहरूलाई सहभागिताका लागि आह्वान गरेका छन्।
​समुद्र सतहदेखि १०,००० फिटभन्दा बढीको उचाइमा आयोजना हुने यस म्याराथनले हिमाली क्षेत्रको उच्च उचाइ र चुनौतीलाई पार गर्दै धावकहरूलाई आफ्नो सहनशीलता परीक्षण गर्ने अवसर प्रदान गर्नेछ।
​सामाजिक सञ्जालमा सन्देश जारी गर्दै मुख्यमन्त्री खाण्डूले भनेका छन्, “जहाँ हावा पातलो छ र हिमालहरू अग्ला छन्, त्यहाँ आफ्ना सीमाहरूलाई अझ अगाडि बढाउनुहोस्। तवाङमा १०,००० फिटभन्दा माथि दौडिनुहोस् र उच्च हिमालयमा आफ्नो सहनशीलता परीक्षण गर्नुहोस्। म सबै धावक, फिटनेसप्रेमी र साहसिक प्रेमीहरूलाई तवाङ म्याराथन २०२६ मा सहभागी भई अरुणाचल प्रदेशको मनमोहक सौन्दर्यको अनुभव लिन आमन्त्रित गर्दछु।”
​मुख्यमन्त्रीका अनुसार यो प्रतियोगिता २४ अक्टोबर २०२६ मा अरुणाचल प्रदेशको तवाङमा आयोजना हुनेछ। प्रतियोगिताका लागि दर्ता प्रक्रिया खुला भइसकेको र इच्छुक सहभागीहरूले आधिकारिक वेबसाइटमार्फत आफ्नो नाम दर्ता गराउन सक्ने जनाइएको छ।