​सिलगढी: सिलगढी पुलिस कमिश्नरेटअन्तर्गत एनजेपी थाना क्षेत्रमा पर्ने ब्याटालियन मोड बजारमा पुलिसको इन्फोर्समेन्ट ब्रान्च (ईबी) ले विशेष बजार अनुगमन तथा ‘ग्राहक संवाद कार्यक्रम’ सम्पन्न गरेको छ।
​अनुगमनका क्रममा पुलिस टोलीले बजारमा उपभोग्य तथा अत्यावश्यक खाद्य वस्तुहरूको मौज्दात र वर्तमान मूल्यको प्रत्यक्ष जाँच गरेको थियो। त्यसैगरी बजारको वास्तविक स्थिति बुझ्न, निष्पक्ष व्यापारिक अभ्यासलाई प्रवर्द्धन गर्न, पारदर्शिता कायम राख्न र उपभोक्ता संरक्षणसम्बन्धी नियमहरूको पालना गराउन टोलीले स्थानीय व्यापारी तथा उपभोक्ताहरूसँग छलफल र मतविनिमय गरेको थियो।
​सर्वसाधारण र उपभोक्ताको हक-हितको संरक्षण गर्दै बजार व्यवस्थालाई निष्पक्ष, पारदर्शी र जबाफदेही बनाउन सिलगढी पुलिस सधैँ प्रतिबद्ध रहेको जनाइएको छ।