नीतिगत प्राथमिकता र जनताका आकाङ्क्षामाथि छलफल

​गान्तोक: वित्तीय वर्ष २०२६–२७ को बजेट अधिवेशन प्रारम्भ हुनुअघि सिक्किमका मुख्यमन्त्री प्रेमसिंह तामाङ को अध्यक्षतामा मन्त्रिपरिषद् (क्याबिनेट) को विशेष बैठक सम्पन्न भएको छ।
बैठकमा आगामी बजेटलाई जनमुखी र प्रभावकारी बनाउने विषयमा मन्त्रीहरूसँग गहन छलफल भएको छ।
​बैठकका क्रममा मुख्यमन्त्री तथा मन्त्रीहरूबीच राज्यका मुख्य प्राथमिकताहरूका साथै महत्त्वपूर्ण नीतिगत मामिलाहरूमाथि विस्तृत समीक्षा गरिएको थियो। आगामी बजेटले सिक्किमेली जनताका आकाङ्क्षा, आवश्यकता र अपेक्षाहरूलाई पूर्ण रूपमा प्रतिविम्बित गरोस् भन्ने सुनिश्चित गर्न बैठकमा मन्त्रीहरूले आ-आफ्नो धारणा एवं सुझावहरू साटासाट गरेका थिए।
​यस बैठकले पारदर्शी शासन, समावेशी विकास र विवेकपूर्ण वित्तीय व्यवस्थापनप्रतिको सामूहिक प्रतिबद्धतालाई थप सुदृढ बनाएको मुख्यमन्त्री तामाङले बताउनुभएको छ। सिक्किमको दिगो विकास, जनकल्याण र समग्र समृद्धिलाई गति दिने गरी दूरगामी बजेट प्रस्तुत गर्न सम्पूर्ण मन्त्रिपरिषद् एकताबद्ध भएर लागिपर्ने क्याबिनेट बैठकले निष्कर्ष निकालेको छ।