​सिलगढी: पर्यावरण संरक्षण र दिगो जीवनशैलीप्रति आफ्नो प्रतिबद्धतालाई सुदृढ गर्दै सिलगढी पुलिस कमिस्नरेटले व्यापक वृक्षारोपण कार्यक्रमको आयोजना गरेको छ।
‘अरण्य सप्ताह’ (वन सप्ताह) को उपलक्ष्यमा कमिस्नरेट अन्तर्गतका विभिन्न थाना तथा पुलिस चौकीहरूले आ–आफ्नो परिसरमा बिरुवा रोपेका हुन्।
​”एक टि गाछ मायेर नाम” (आमाको नाममा एक बिरुवा) भन्ने मूल नाराका साथ भविष्यका सन्ततीका लागि स्वस्थ पर्यावरण र सुन्दर पृथ्वी निर्माण गर्ने उद्देश्यले यो अभियान चलाइएको हो। आज रोपिएका यी बिरुवाहरूले प्रकृति संरक्षणमा महत्त्वपूर्ण भूमिका खेल्ने विश्वास पुलिस प्रशासनले लिएको छ।

​यस विशेष अभियानमार्फत सिलगढी पुलिस कमिस्नरेटले प्रकृति रक्षा गर्न र आफ्नो वरपरको वातावरणलाई हराभरा बनाउन सर्वसाधारणलाई समेत एकजुट भएर अघि बढ्न हार्दिक आह्वान गरेको छ।