लस एञ्जिलिस: स्पेनले आफ्नो उत्कृष्ट प्रदर्शनलाई जारी राख्दै १६ सालको प्रतीक्षापछि फिफा वर्ल्ड कपको सेमिफाइनलमा प्रवेश गऱ्यो। शुक्रवार अबेर राति खेलिएको फिफा वर्ल्ड कप २०२६-को दोस्रो क्वार्टर फाइनल म्याचमा स्पेनले बेल्जियमलाई २-१-ले पराजित गऱ्यो। म्याचको लगभग अन्तिम समयसम्म पनि स्कोर १-१-को बराबरीमा रहेको थियो तर मिकेल मेरिनोले दिलाएको गोलले स्पेनलाई विजयी बनायो। यसअघि स्पेनको निम्ति फाबियन रुइज र बेल्जियमको निम्ति चार्ल्स डी केटेलारले गोल गरे। अब सेमिफाइलमा स्पेनको भिड़न्त वर्तमान उपविजेता फ्रान्ससँग हुनेछ। म्याच डलास स्टेडियममा खेलिनेछ। अमेरिकाको लस एञ्जिलिस स्टेडियममा खेलिएको म्याचमा स्पेनका प्रशिक्षक लुइस डे ला फुएन्तेले सबैलाई चकित बनाउंदै पेड्रीको स्थानमा फाबियन रुइजलाई शुरुवाती एकादशमा स्थान दिए। उनको फसेला सही साबित भयो। म्याचको ३०औं मिनटमा बेल्जियमका दिग्गज गोलकीपर थिबाउट कूर्तुआले डानी अल्मोको शट्लाई रोके पनि रिबाउण्डमा नजिकै रहेका फाबियन रुइजले असाधारण फिनिश गर्दै स्पेनलाई १-०-को बढ़त दिलाए। त्यसपछि युवा स्टार लामिन यामालले पनि असाधारण मूभ बनाएका थिए तर उनको शट् मामूली अन्तरले गोलपोस्टदेखि बाहिर गयो। म्याचमा ३२ प्रतिशत पोजेशनको साथ खेल्ने बेल्जियमले पनि मध्यान्तरको ठीक अघि असाधारण जवाफ दियो। केविन डी ब्रुनेले असाधारण थ्रू पास दिएर टिमोथी कास्टान्येलाई अघि बढ़ाए। कास्टान्येको सटीक क्रसमा चार्ल्स डी केटेलारले ४१औं मिनटमा हेडरद्वारा गोल गरी स्कोर १-१-को बराबरीमा पुऱ्याए। यस स्कोरको साथ पहिलो हाफको खेल समाप्त भयो। दोस्रो हाफको खेलमा दुवै टीमले मौकाहरू बनायो तर निर्णायक क्षण ८८औं मिनटमा आयो। बेल्जियमका अनुभवी गोलकीपर कूर्तुआ ७१औं मिनटमा चोटग्रस्त भएर मैदान बाहिर गए। उनको स्थान लिने सेने लामेन्सले पाउ क्यूबार्सीले लामो दूरीबाट लगाएको शट्लाई सम्पूर्ण रूपले नियन्त्रित गर्न सकेनन्। रिबाउण्डमा स्थानापन्न खेलाड़ी मिकेल मेरिनोले गोल गरी स्पेनलाई २-१-को बढ़त दिलाए। त्यसपछि बेल्जियमले अन्तिम सिटीसम्म गोल हासिल गर्न नसक्दा स्पेन २-१-ले विजयी भएर सेमिफाइनलमा पुग्यो। साल २०१०-को च्याम्पियन स्पेन २०१४-मा ग्रुप चरणमै बाहिर भएको थियो। यसरी २०१८ र २०२२-मा टीमको अभियान अन्तिम १६-मा समाप्त भएको थियो। यसपाली चाहिँ स्पेनले उत्कृष्ट प्रदर्शन गर्दै सेमिफाइनलमा स्थान बनाेको छ। यसरी असल फर्ममा रहने बेल्जियमको अभियान क्वार्टर फाइनलमा समाप्त भयो। यसअघि टीम २०१४-को वर्ल्ड कपमा क्वार्टर फाइनलसम्म पुगेको थियो भने २०१८-को वर्ल्ड कपमा तेस्रो स्थानमा रहेको थियो। यसरी २०२२-को वर्ल्ड कपमा चाहिँ टीमले ग्रुप चरणमै बिदा लिएको थियो।