नयाँ दिल्ली: केन्द्र सरकारले ई-रिक्शा चालकहरूलाई ठूलो राहत दिएको छ। इलेक्ट्रोनिक्स एवम् सूचना प्रौद्योगिकी मन्त्रालय (आईटी मन्त्रालय)-ले ७ वटा मोबाइल एप विरुद्ध कठोर कार्वाही गरेको छ, जसको कथित रूपमा दुरुपयोग गरेर बाटोमा कुदिरहेको ई-रिक्शाको ब्याटरी बन्द गरिँदै थियो। इलेक्ट्रोनिक्स एवम् आईसी मन्त्रालयले ई-रिक्शा र अन्य इलेक्ट्रिक वाहनहरूको ब्याटरी गलत तरिकाले बन्द गर्न प्रयोग भइरहेको ७ वटा एप्सलाई हटाउन गूगल एण्ड्रोयड र एप्पल आईओएस-लाई नोटिस जारी गरेको छ। यसमा बीएटी-बीएमएस, स्मार्ट बीएमएस र लॉसिसिजी जस्ता एपहरू सामेल छ। यी एप्सको दुरुपयोग गरिएको सूत्रबाट थाहालागेको छ। सरकारले बताएअनुसार, यी एपहरू मुख्य रूपले ब्याटरीको जाँच र सर्विसिंगको निम्ति बनाइएको थियो तर केही मानिसहरूले यसको दुरुपयोग गरिरहेका छन्। यस्तो मामिलाहरूमा यी एप्सको माध्यमले ई-रिक्शाको ब्याटरीसँग कुनै अनुमति बिना नै कनेक्ट भएर वाहनको पावर सप्लाई बन्द दर्न सकिन्थ्यो। यसैलाई ध्यानमा राखेर केन्द्रले तत्काल कार्वाही गर्दै सम्बन्धित एप्सलाई हटाउने फसेला गरेको छ। यसको साथमा भविष्यमा यस्ता कुनै पनि एपलाई मानिसहरूका सुरक्षाको निम्ति खतरा बन्नदेखि रोक्ने तयारी पनि शुरु गरिएको छ। बीटीएस-बीएमएसलाई चीनको शीन्जेन ग्रेनर्जी टेक्नोलजीले ब्लूटूथ आधारित लिथिम आयन ब्याटरीको निम्ति बनाएको थियो। यस एपको माध्यमले वाहनको मालिकले ब्याटरी भोल्टेज, करेण्ट, तापमान, चार्जिंग साइकल र ब्याटरी हेल्थसहित धेरै जरूरी प्यारामीटर्स रियल टाइममा जाँच गर्न सक्छन्। यस एपको धेरै फाइदाहरू रहे पनि केही मानिसहरूले यसको दुरुपयोग गर्दा सरकार कठोर कदम उठाउन वाध्य भएको छ।