२४० मिटर लामो सुरुङ मार्गको योजना समीक्षा​

गान्तोक: केन्द्रीय सडक परिवहन एवं राजमार्ग राज्यमन्त्री अजय टम्टाले आज राष्ट्रिय राजमार्ग-१०(एनएच-१०) अन्तर्गत रङ्पोदेखि रानीपुल खण्डका विभिन्न परियोजना स्थलहरूको स्थलगत भ्रमण गरी निरीक्षण गरेका छन्। उनले यस मार्गमा जारी सडक सुधार तथा सुरक्षा कार्यहरूको प्रगतिको विस्तृत समीक्षा गरे।​आफ्नो भ्रमणका क्रममा केन्द्रीय राज्यमन्त्रीले राजमार्गलाई पहिरो र खराब मौसमबाट सुरक्षित तथा प्रतिरोधी बनाउनका लागि चालिएका विभिन्न उपायहरूको गहन जाँच गरे। यस अन्तर्गत निर्माणाधीन रिटेनिङ वाल (पर्खाल), नदी संरक्षण कार्य, रकफल ब्यारियर (ढुङ्गा खस्नबाट रोक्ने प्रणाली) र स्लोप प्रोटेक्सन सिस्टम (भिरालो जमिन संरक्षण प्रणाली) को कार्यप्रगति समावेश थियो।​राजमार्गलाई थप सुरक्षित र बाह्रै महिना सुचारु राख्नका लागि मन्त्री टम्टाले राष्ट्रिय राजमार्ग-१० स्तरोन्नति परियोजना अन्तर्गत प्रस्ताव गरिएको २४० मिटर लामो ‘कट-एन्ड-कभर’ सुरुङ मार्गको योजनाको पनि समीक्षा गरे। यस सुरुङ मार्गको निर्माणले यस क्षेत्रको सडक सम्पर्क (कनेक्टिभिटी) मा सुधार ल्याउनुका साथै यात्रीहरूको यात्रालाई अझ सुरक्षित र सहज बनाउने उद्देश्य राखिएको छ।