नयाँ दिल्ली: टेनिस जगतकी दिग्गज खेलाड़ी सेरेना विलियम्स लगभग ४ सालपछि पेशादार टेनिसमा फर्किन गइरहेकी छन्। २३ वटा ग्राण्ड स्ल्याम एकल खिताब जित्ने ४४ वर्षीय सेरेनाले क्वीन्स क्लब च्याम्पियनशीपको माध्यमले डब्ल्यूटीए टूरमा कदम राख्नेछिन्। यो टुर्नामेण्ट विम्बल्डन अघि ग्रास कोर्टमा खेलिनेछ अनि उनको पुनरागमनलाई लिएर विश्वभरिका टेनिस प्रशंसहरूबीच व्यापक उत्साह देखिएको छ। सेरेनाले आफ्नो अन्तिम पेशादार म्याच २०२२-को यूएस ओपनमा खेलेकी थिइन्। त्यसपछि उनले टेनिसबाट दूरी बनाएकी थिइन्। अब ४ सालको अन्तरालपछि उनी फेरि प्रतिस्पर्धी टेनिसमा फर्किरहेकी छन्। आयोजकहरूले उनलाई क्वीन्स क्लब च्याम्पियनशीपको डबल्स ड्र-मा वाइल्ड कार्ड एण्ट्री दिएका छन्। सेरेना दुईजना छोरीकी आमा हुन्। उनकी पहिलो छोरी ओलम्पियाको जन्म २०१७-मा अनि दोस्रो छोरी आदिराको जन्म २०२३-मा भएको थियो। परिवार र खेलबीच सन्तुलन बनाउँदै उनको पुनरागमनलाई महिला खेलहरूमा एउटा प्रेरणादायक अध्यायको रूपमा हेरिँदैछ।