नयाँ दिल्ली: हकी इण्डियाले २६-देखि ३० मईसम्म पर्थमा खेलिने ४ वटा म्याचको सीरीजको निम्ति भारतीय महिला हकी टीमको घोषणा गऱ्यो। म्याचहरू २६, २७, २९ र ३० मईमा खेलिनेछ। भारतीय टीमको यो यात्रा जूनमा अकल्याण्डमा हुने एफआईएच हकी महिला नेशन्स कप २०२५-२६-को तयारीहरूको दृष्टिकोणले महत्त्वपूर्ण रहनेछ। अनुभवी मीडफिल्डर सलीमा टेटेलाई टीमको कप्तान बनाइएको छ। सलीमाले भारतलाई २०२२ कमनवेल्थ गेम्स र एशियन गेम्समा काँस्य पदक दिलाउनमा महत्त्वपूर्ण भूमिका निर्वाह गरेकी थिइन्। टीममा सविता पूनिया, सुशीला चानू, लालरेमसियामी र नवनीत कौर जस्ता अनुभवी खेलाड़ीहरूका साथमा केही युवा खेलाड़ीहरूलाई पनि मौका दिइएको छ। अष्ट्रेलिया यात्राको निम्ति चयनकर्ताहरूले धेरै युवा खेलाड़ीहरूमाथि भरोसा देखाएका छन्। सोनम, हिना बानो र लालथन्तलुआंंगी जस्ता युवा खेलाड़ीहरूलाई टीममा स्थान प्राप्त भएको छ। डिफेन्समा शिल्पी डबास र लालथन्तलुआंगीलाई पहिलोपल्ट सीनियर टीममा स्थान प्राप्त भएको छ। यसरी दीपिका सोरेंग र सोनम अहिले आफ्नो अन्तर्राष्ट्रिय पदार्पणको प्रतीक्षा गरिरहेकी छन्। गोलकीपिंगको जिम्मेवारी अनुभवी सविता र बीचू देवी खारीबाममाथि रहनेछ। यसरी डिफेन्समा निक्की प्रधान, इशिका चौधरी, सुशीला चानू र ज्योति जस्ता खेलाड़ीहरू रहनेछिन्। फरवर्ड लाइनको अगुवाई नवनीत कौरले गर्नेछिन्। उनीसँग बलजीत कौर, दीपिका, अन्नू, इशिका र हिना बानो जस्ता खेलाड़ीहरू सामेल छिन्। टीमलाई नवनीतले आफ्नो असाधारण गोल स्कोरिंग फर्मलाई जारी राख्ने आशा छ। टीमका मुख्य प्रशिक्षक शोर्ड मारिनले टीमको चयनपछि भने, केही खेलाड़ीहरूलाई पहिलोपल्ट अन्तर्राष्ट्रिय स्तरमा खेल्ने अवसर प्राप्त हुनेछ। खेलाड़ीहरूका विकासको निम्ति दबाउ भएको म्याचहरूमा खेल्नु जरूरी हुन्छ। खेलाड़ीहरूले यस मौकाको पूरा फाइदा उठाउने मलाई विश्वास छ।