धर्मशाला: आईपीएल २०२६-मा रोयल च्यालेञ्जर्स बेंगलुरु (आरसीबी)-विरुद्ध हारले पञ्जाब किंग्सलाई ठूलो झट्का लागेको छ। आइतवार २३ रनले पराजित भएपछि पञ्जाब प्लेअफ्-को रेसबाट लगभग बाहिर भएको छ। यो टीमको लगातार छैटौं हार हो। पञ्जाब किंग्सको यस प्रदर्शनलाई लिएर टीमका पेस बलिंग कोच जेम्स होप्सले वर्तमान स्थितिलाई ईमानदार प्रतिक्रिया दिएका छन्। म्याचपछि होप्सले उनको टीम अहिले लीगबाट बाहिर हुने नजिक पुगेको स्वीकार गरे। उनले भने, ईमानदारीपूर्वक भन्नु पर्दा यो सीजन चरम निराशाजनक रह्यो। अहिले हामी बाहिर हुने नजिक पुगिसकेका छौं। अहिले पनि आशा छ तर हामीले गल्तीहरूलाई तुरन्त ठीक गर्नु पर्नेछ। विशेषगरी बलिंगमा सुधारको आवश्यकता छ, जहाँँ हामीले शुरुवाती ओभरहरूमा अधिक मौका बनाउन सकेका छैनौं। अन्य विभागमा पनि सुधारको आवश्यकता छ तर बलिंग विभागको स्थिति दयनीय छ। उल्लेखनीय छ, आईपीएल २०२६ सीजनमा पञ्जाब किंग्सको शुरुवात चाहिँ असाधारण रहेको थियो। शुरुवाती ६ वटा म्याचमा अजेय रहेर टीम लामो समयसम्म पोइण्ट्स टेबलको शीर्ष स्थानमा रहेको थियो तर गत केही हप्तादेखि टीमले लय गुमाएको छ। यसरी शुरुवाती केही हप्तासम्म खिताब जित्ने प्रबल दावेदार मानिएको फ्रेञ्चाइजी अहिले लीग चरणै बाहिर हुने नजिक पुगेको छ।