नयाँ दिल्ली: आईपीएल २०२६-को ६२औं म्याचमा दिल्ली क्यापिटल्सले राजस्थान रोयल्सलाई ५ विकेटले पराजित गरी प्लेअफ्-मा स्थान बनाउने सम्भावनाहरूलाई जीवित राख्यो। अहिले राजस्थान रोयल्स र दिल्ली क्यापिटल्ससँग १२-१२ पोइण्ट्स रहेको छ तर नेट रन रेटको आधारमा यी दुई टीम आईपीएल पोइण्ट्स टेबलमा क्रमशः छैटौं र सातौं स्थानमा रहेको छ। यसमा राजस्थानले १२ र दिल्लीले १३ वटा म्याच खेलेको छ। अरुण जेटली स्टेडियममा आइतवार टस हारेर पहिला ब्याटिंग गर्दै राजस्थान रोयल्सले २० ओभरमा ८ विकेट गुमाएर १९३ रन बनायो। राजस्थानको शीर्ष चारमा यशस्वी जयसवाल (१२ रन)-लाई छोड़ेर अन्य तीनजनाले असल ब्याटिंग गरे पनि अन्य कसैले उल्लेखनीय योगदान दिन सकेनन्। ध्रुव जुरेलले सर्वाधिक ५३ रन बनाए। उनले ४० बल खेलेर ५ वटा चौका र २ वटा छक्का लगाए। कप्तान रियान परागले २६ बलमा ५१ रनको योगदान दिए, जसमा ५ वटा छक्का र ३ वटा चौका सामेल छ। ओपनर वैभव सूर्यवंशीले ५ वटा चौका र ३ वटा छक्काको सहायताले २१ बलमा ४६ रन बनाए। मिचेल स्टार्कले १५औं ओभरमा परागको साथमा डोनोभन परेरा र रवि सिंहको विकेट लिएपछि राजस्थानले तेजीको साथ रन बनाउन सकेन। दिल्लीका बलरहरूमा स्टार्कले सर्वाधिक ४ विकेट लिए। जवाफमा दिल्ली क्यापिटल्सले १९.२ ओभरमा ५ विकेटमा १९७ रन बनाएर म्याच जित्यो। दिल्लीको यस जीतमा दुईजना ओपनर केएल राहुल र अभिषेक पोरेलको महत्त्वपूर्ण भूमिका रह्यो। यसमा राहुलले ४२ बलमा ३ वटा छक्का र एउटा चौकाको सहायताले ५६ रन बनाए। यसरी पोरेलले ३१ बलमा ७ वटा चौका र एउटा छक्काको सहायताले ५१ रन बनाए। राहुल र पोरेलले पहिलो विकेटको निम्ति १०.१ ओभरमा १०५ रनको पार्टनरशीप गरी टीमलाई असाधारण शुरुवात दिलाए। यसबाहेक कप्तान अक्षर पटेलले २ वटा छक्का र २ वटा चौकाको सहायताले १८ बलमा अविजित ३४ रनको योगदान दिए। असल शुरुवातपछि दिल्लीलाई म्याच जित्न समस्या भएन। अन्तमा अक्षर र अशुतोष शर्माले मिलेर जीतको औपचारिकता पूरा गरे। अशुतोषले २ वटा छक्का र एउटा चौकाको सहायताले ५ बलमा अविजित १८ रन बनाए। ट्रिस्टन स्टब्स ४ र डेविड मिलर ९ रन बनाएर आउट भए।