‎सिलगढी: दार्जिलिङका सांसद राजु विष्ट र सिलगढीका विधायक डा. शंकर घोष, आज सिलगढीमा अखिल भारतीय अग्रवाल सम्मेलनको उत्तर बङ्ग प्रान्त तथा सिलगढी शाखाद्वारा आयोजित अभिनंदन समारोहमा सहभागी भए। समारोहलाई सम्बोधन गर्दै सांसद राजु विष्टले अखिल भारतीय अग्रवाल सम्मेलनको खुलेर प्रशंसा गर्नुभयो।
उहाँले भन्नुभयो कि यो संस्था धेरै दशकदेखि निःस्वार्थ भावले समाज कल्याण, शिक्षा, स्वास्थ्य सेवा, सामाजिक सद्भाव तथा राष्ट्र निर्माणका कार्यमा महत्वपूर्ण भूमिका निर्वाह गर्दै आएको छ। संस्थाले सधैँ राष्ट्रहितलाई सर्वोपरि राखेर कार्य गरेको पनि उहाँले उल्लेख गर्नुभयो।
सांसदले थप भन्नुभयो कि उत्तर बङ्गालको सामाजिक संरचनालाई अझ सुदृढ बनाउन अखिल भारतीय अग्रवाल सम्मेलनको योगदान अत्यन्त महत्वपूर्ण रहेको छ। समाजका पछाडि परेका तथा सीमान्तकृत वर्गको उत्थानका लागि संस्थाले निरन्तर गरिरहेको प्रयास प्रशंसनीय रहेको उहाँको भनाइ थियो।
‎दार्जिलिङका सांसदका रूपमा राजु विष्टले दार्जिलिङ,सिलगढी तथा समग्र उत्तर बङ्गालको सर्वाङ्गीण विकासप्रति आफ्नो प्रतिबद्धता पुनः दोहोर्‍याउनुभयो। उहाँले प्रधानमन्त्री नरेन्द्र मोदी तथा पश्चिम बङ्गाल विधानसभाका विपक्षी नेता शुभेन्दु अधिकारी को नेतृत्वमा उत्तर बङ्गालमा अझ राम्रो पूर्वाधार, रोजगारीका अवसर, गुणस्तरीय स्वास्थ्य सेवा, शिक्षा तथा सबै वर्गका जनताको समृद्धि सुनिश्चित गर्न निरन्तर काम भइरहने बताउनुभयो।
उहाँले सबै समुदायका आकाङ्क्षा पूरा गर्दै अझ सशक्त, समावेशी तथा विकसित उत्तर बङ्गाल निर्माण गर्नु नै आफ्नो लक्ष्य रहेको पनि स्पष्ट पार्नुभयो।
समारोहको सफल आयोजनाका लागि सांसद राजु विष्टले आयोजकहरूलाई धन्यवाद दिनुका साथै आफूलाई निमन्त्रणा गरेकोमा आभार व्यक्त गर्नुभयो।