‎गुवाहाटी: लोपोन्मुख प्रजाति दिवसको अवसरमा एक विशेष क्षणमा काजीरंगाको भूमिमा भारतको वन्यजन्तु संरक्षण इतिहासमा थप एक गौरवपूर्ण अध्याय जोडिएको छ। काजीरंगा राष्ट्रिय निकुञ्ज तथा बाघ आरक्ष क्षेत्रमा देशको पहिलो उपग्रह-चिन्हित गंगा नरम खोल भएको कछुवालाई सफलतापूर्वक मुक्त गरिएको छ।
‎यस पहललाई वन्यजन्तु संरक्षणमा एक महत्वपूर्ण उपलब्धिका रूपमा हेरिएको छ। यसले पुनः प्रमाणित गरेको छ कि असमका वन केवल गैंडा, बाघ वा हात्तीका मात्र होइनन्, बरु प्रत्येक जीवका सुरक्षित आश्रयस्थल हुन्।
‎असमका मुख्यमन्त्री हिमन्त बिस्व सरमाले यस घटनालाई गर्वको क्षण भन्दै राज्यले जैविक विविधता संरक्षणमा सधैँ अग्रणी भूमिका खेल्दै आएको र भविष्यमा पनि यो प्रतिबद्धता निरन्तर रहने बताएका छन्।

यस परियोजनामा भारतको वन्यजन्तु अनुसन्धान संस्थानले पनि महत्वपूर्ण भूमिका निर्वाह गरेको छ, जसले उपग्रह-चिन्हित कछुवालाई सफलतापूर्वक मुक्त गर्न सहयोग पुर्‍याएको हो।