मिलान: इण्टर मिलानले आफ्नो फर्म कायम राख्दै इटलीको सेरि ए फूटबल प्रतियोगितामा खिताब जित्यो। आइतवार राति खेलिएको म्याचमा पारमालाई २-०-ले पराजित गर्नको साथै इण्टर मिलान ३ वटा म्याच बाँकी रहँदै सेरि ए च्याम्पियन बन्यो। यस जीतको साथ सेरि ए पोइण्ट्स टेबलको शीर्षमा कायम इण्टर मिलानको ३५ वटा म्याचमा ८२ पोइण्ट्स पुग्यो। अब दोस्रो स्थानमा रहने नापोलीले रहल तीनैवटा म्याच जिते पनि शीर्ष स्थान हासिल गर्न सक्नेछैन। नापोलीसँग ७० पोइण्ट्स रहेको छ। इण्टर मिलानलाई खिताब जित्ने केवल एउटा ड्र-को आवश्यकता थियो तर टीमले जीतको साथ ट्रफी जित्यो। यो इण्टर मिलानको समग्रमा २१औं सेरि ए खिताब हो। यसरी उनीहरू सर्वाधिकपल्ट सेरि ए खिताब जित्ने टोलीहरूको सूचीमा दोस्रो स्थानमा पुगेका छन्। आफ्नो होम ग्राउण्ड सान सिरोमा ५७ प्रतिशत पोजेशनको साथ खेल्ने इण्टर मिलानबाट मध्यान्तरको ठीक अघि स्टपेज टाइमको पहिलो मिनटमा मार्कस थुरामले पहिलो गोल गरे। त्यसपछि हेनरिख मेखितानयानले ८०औं मिनटमा अझ एक गोल गरी टीमको जीत सुनिश्चित गरे। इण्टर मिलानको निम्ति यो पूरा सीजन असाधारण रह्यो। मजबूत डिफेन्स र धारिलो आक्रमणको साथ इण्टर मिलानलाई यस सीजनको सबैभन्दा सन्तुलित टीम बनायो। अब इण्टर मिलानको नजर अझ एउटा ट्रफीमा रहनेछ। टीमले चाँड़ै इटालियन कपको फाइनलमा लाजियोको सामना गर्नेछ।