स्टटगार्ट: एलिना रायबाकिनाले क्यारोलिना मुचोवालाई ७-५, ६-१-ले पराजित गरी दोस्रोपल्ट पोर्श टेनिस ग्रां.प्री.-को खिताब जितिन्। यसबाहेक २६ वर्षीय २०२४-की च्याम्पियनले अलग-अलग टुर्नामेण्टहरूमा पहिलो १२ वटा खिताब जितेपछि कुुनै टुर्नामेण्टमा दोस्रोपल्ट खिताब जितेको चाहिँ यो पहिलोपल्ट हो। विश्वकी दोस्रो नम्बरकी खेलाड़ीले चेक रिपब्लिककी मुचोवालाई १ घण्टा १८ मिनटमा पराजित गरिन्। मुचोवा कतरमा खिताब जितेपछि यस साल आफ्नो दोस्रो फाइन खेलिरहेकी थिइन्। उनी आफ्नो करियरको तेस्रो खिताब जित्ने प्रयास गरिरहेकी थिइन्। फाइनलको पहिलो सेट रोमाञ्चक रह्यो, जसमा कजाखस्तानकी खेलाड़ीले मुचोवाबाट कड़ा चुनौतीको सामना गर्नु पऱ्यो। रायबाकिनाले ७-५-ले पहिलो सेट जितेपछि दोस्रो सेटमा चाहिँ प्रतिद्वन्द्वीलाई अधिक मौका दिइनन् अनि ६-१-ले दोस्रो सेटसहित म्याच जितिन्।