कोपेनहेगन: विश्वका दिग्गज शट्लर, २ पल्टका ओलम्पिक अनि २ पल्टका वर्ल्ड च्याम्पियन डेनमार्कका भिक्टर एक्सेलसनले पेशादार ब्याडमिण्टनबाट सन्न्यास लिएका छन्। ३२ सालको उमेरमा लिएको यस फसेलालाई खेल जगतको निम्ति ठूलो झट्का मानिएको छ। एक्सेलसनले यो फसेला लामो समयदेखि चलिरहेको ढाड़को गम्भीर चोटले गर्दा लिएका छन्, जसले गत २ सालमा उनको करियरलाई नराम्रो तरिकाले प्रभावित गरेको थियो। एक्सेलसनले आफ्नो सन्न्यासको पछिको कारण स्पष्ट गर्दै अहिले उनको शरीरले उनलाई खेल्ने अनुमति नदिएको बताएका छन्। उनले इन्स्टाग्राममा जारी गरेको पोष्टमा लेखेका छन्, म लामो समयदेखि ढाड़को चोटसँग जुझिरहेको छु अनि यो कुरा धेरैलाई थाहा छ। गत वर्ष अप्रेलमा सर्जरीपछि लामो रिह्याबिलिटेशन चल्यो तर अक्टोबरमा मलाई फेरि झट्का लाग्यो। त्यस समयदेखि म यस स्तरमा खेल्न या अभ्यास गर्न सकिरहेको छुइनँ। यन्त्रणाले गर्दा खेल्नु सम्भव छैन। यसैकारण मैले यो कठिन फसेला लिनु पऱ्यो। एक्सेलसनले बताएअनुसार, उनले यो फसेला डाक्टर र सर्जनहरूको सल्लाह पछि लिएका हुन्। उनले भने, मैले आफ्नो डाक्टर र सर्जनसँग सल्लाह लिएपछि सन्न्यासको फसेला गरेको हूँ। उनीहरूले मलाई यन्त्रणा जारी रहे फेरि सर्जरी गराउनु पर्न सक्ने बताए। सर्जरी सफल नभए गम्भीर अप्रेशन गराउनु पर्नेछ। यसैकारण म शीर्ष स्तरमा प्रतिस्पर्धा गर्न सक्ने छुइनँ। यो मेरो शरीर हो, जसले मलाई रोकिने संकेत दिइरहेको छ। यसैकारण मैले डाक्टरहरूको सल्लाह मान्नु पर्नेछ। उल्लेखनीय छ, एक्सेलसनले सानो उमेरदेखि नै आफ्नो प्रतिभाको दममा ब्याडमिण्टन जगतमा राज गरेका थिए। २०१०-मा उनले बीडब्ल्यूएफ वर्ल्ड जूनियर च्याम्पियनशीप जितेर इतिहास रचेका थिए। यस्तो गर्ने उनी पहिलो यूरोपेली खेलाड़ी बनेका थिए। त्यही साल उनले सीनियर स्तरमा पदार्पण गर्दै साइप्रस इण्टरनेशनलको खिताब जितेर आफ्नो करियरको यादगार शुरुवात गरेका थिए। २०१४-मा उनले स्विस् ओपन ग्रां.प्री. गोल्ड जितेर आफ्नो पहिचानलाई अझ मजबूत बनाएका थिए। त्यही साल उनले बीडब्ल्यूएफ वर्ल्ड च्याम्पियनशीपमा काँस्य पदक पनि जितेका थिए। २०१६-मा इतिहास रच्दै उनी बीडब्ल्यूएफ वर्ल्ड सुपर सीरीज फाइनल्समा पुरुष एकलको खिताब जित्ने पहिलो यूरोपेली खेलाड़ी बनेका थिए।
एक्सेलसनको ओलम्पिक करियर पनि असाधारण रह्यो। उनले २०१६ रियो ओलम्पिकमा महान लिन डेनलाई पराजित गरी काँस्य पदक जितेका थिए। यसबाहेक टोक्यो २०२०-मा उनले स्वर्ण पदक जितेका थिए। त्यसपछि उनले २०२४ पेरिस ओलम्पिकमा आफ्नो खिताब बचाउँदै फेरि स्वर्ण पदक जितेका थिए। टोक्यो ओलम्पिकमा स्वर्ण पदक जित्नु उनको करियरको सबैभन्दा ठूलो उपलब्धि रह्यो, जसले उनलाई ब्याडमिण्टन सुपरस्टार बनाए। उनले २०१७-मा ग्लास्गो र २०२२-मा टोक्योमा वर्ल्ड च्याम्पियनशीपको खिताब पनि जितेका थिए। एक्सेलसन लामो समयसम्म विश्वका नम्बर १ खेलाड़ी रहे। अक्टोबर २०२३-मा उनले लगातार १०० हप्ता शीर्ष स्थानमा रहने रेकर्ड पनि बनाएका थिए। यसबाहेक उनले ३ पल्ट यूरोपियन च्याम्पियनशीप र थोमस कप जस्तो ठूलो खिताब पनि जितेका थिए।