लाहोर: ​पाकिस्तानको पञ्जाब प्रान्तको विधानसभामा एउटा यस्तो प्रस्ताव पेश गरिएको छ जसले अहिले अन्तर्राष्ट्रिय स्तरमा चर्चा र आश्चर्य दुवै पैदा गरेको छ। सत्तारुढ दल पाकिस्तान मुस्लिम लीग–नवाज (पीएमएल-एन) का नेता राणा अरशदले प्रधानमन्त्री शहबाज शरीफ, सेना प्रमुख जनरल असिम मुनीर र विदेशमन्त्री इशाक डारलाई ‘नोबेल शान्ति पुरस्कार’ का लागि मनोनीत गर्न माग गर्दै प्रस्ताव पेश गरेका हुन्।​के छ प्रस्तावमा?प्रस्तावमा इरान, इजरायल र अमेरिकाबीच बढ्दो तनावलाई कम गर्न पाकिस्तानी नेतृत्वले “प्रभावी कूटनीति” प्रदर्शन गरेको दाबी गरिएको छ। उक्त प्रस्तावमा भनिएको छ कि विश्व शान्तिका लागि खतरा बनिरहेको तनावलाई पाकिस्तानी नेतृत्वले सुझबुझका साथ मत्थर पार्न भूमिका खेल्यो, जसले यस क्षेत्रमा स्थिरता ल्याएको छ। यद्यपि, धेरैले यसलाई पाकिस्तानको “आफ्नो प्रशंसा आफैँ गर्ने” प्रवृत्तिको रूपमा टिप्पणी गरेका छन्।​चीनको छायाँमा पाकिस्तानको मध्यस्थताअमेरिका र इरानबीच दुई हप्ताको सशर्त युद्धविराम भएपछि पाकिस्तानले यसको श्रेय लिन खोजेको छ। तर, खुद पाकिस्तानी अधिकारीहरूले नै मुख्य भूमिका चीनको रहेको स्वीकार गरेका छन्। उनीहरूका अनुसार पाकिस्तानले केवल एउटा “सन्देशवाहक” को काम गरेको थियो भने चीनले यस सम्झौताको ग्यारेन्टी लिएको थियो।​अमेरिकी उपराष्ट्रपतिको भ्रमणयसैबीच, अमेरिकी उपराष्ट्रपति जेडी भ्यान्स शुक्रबार इस्लामावाद पुग्दैछन्, जहाँ इरान र अमेरिकाका प्रतिनिधिमण्डलबीच वार्ता हुने कार्यतालिका छ। सन् २०११ पछि पाकिस्तान भ्रमण गर्ने भ्यान्स सबैभन्दा वरिष्ठ अमेरिकी अधिकारी हुन्।