नयाँ दिल्ली: आईपीएल २०२६-मा असाधारण प्रदर्शन गरिरहेका भारतीय स्पिनर रवि बिश्नोईले आफ्नो खराब गत सीजन र आफ्नो सबैभन्दा ठूलो कमजोरीमाथि खुलेर चर्चा गरेका छन्। राजस्थान रोयल्सको निम्ति असाधारण प्रदर्शन गरेपछि बिश्नोईले बताएअनुसार, उनले घरेलु क्रिकेटमा आफ्नो बलिंगको सबैभन्दा ठूलो कमीमाथि काम गरे अनि अहिले आईपीएलमा त्यसको फाइदा प्राप्त भइरहेको छ। म्याचपछि बिश्नोईले भने, गत सीजन निक्कै कठिन थियो तर मैले आफ्नो कार्य पद्धतिमाथि भरोसा राखे। बलिंगमा लेन्थ सही नहुँदा ब्याटरहरूले सजिलै चौका-छक्का लगाइरहेका थिए। त्यही मेरो सबैभन्दा ठूलो कमजोरी थियो अनि मैले त्यसमाथि पूरा घरेलु सीजनमा काम गरे। लेन्थ सही रहँदा ब्याटरहरूका निम्ति रन बनाउनु मुश्किल हुन्छ तर बल सामान्य माथि झरे रन खर्च हुन्छ। बिश्नोईले बताएअनुसार, उनले पूरा अफ् सीजन र घरेलु क्रिकेटको अवधि आफ्नो बलिंगमाथि मेहनत गरे। उनले मानसिक, तक्निकी र शारीरिक-तीनैवटा कुरामा काम गरे, जसको परिणाम अहिले देख्न पाइएको छ। बिश्नोईले गुजरात टाइटन्सविरुद्ध म्याचमा असाधारण प्रदर्शन गर्दै महत्त्वपूर्ण ४ विकेट लिए अनि प्लेयर अव् द म्याचको पुरस्कार पनि जिते। बिश्नोई २०२२-मा लखनऊ सुपर जाइण्ट्समा सामेल भएका थिए। उनले पहिलो २ सीजनमा १३ र १६ विकेट लिएका थिए तर त्यसपछि उनको फर्म बिग्रियो। आईपीएल २०२४-मा उनले १४ वटा म्याचमा १० विकेट अनि गत सीजनमा ११ वटा म्याचमा ९ विकेट मात्र लिन सके अनि उनको इकोनमी रेट पनि धेर रह्यो। आईपीएलको जारी सीजनमा उनले २ वटा म्याचमा ५ विकेट लिएका छन्।