फ्लोरिडा: मियामी ओपन टेनिस टुर्नामेण्टमा विश्वकी नम्बर १ खेलाड़ी आर्यना सबालेंकाले हेली बेप्टिस्टलाई पराजित गरी महिला एकलको सेमिफाइनलमा स्थान बनाइन्। बेलारुसकी स्टार खेलाड़ीले अमेरिकी खेलाड़ी बेप्टिस्टलाई सीधा सेटमा ६-४, ६-४-ले पराजित गरिन्। यसरी सबालेंकाले लगातार दोस्रो साल टुर्नामेण्टको सेमिफाइनलमा प्रवेश गरिन्। म्याचमा स्थानीय खेलाड़ी बेप्टिस्टले कड़ा चुनौती दिए पनि सबालेंकाले महत्त्वपूर्ण मौकाहरूमा असाधारण खेल देखाइन्। क्वार्टर फाइनलको पहिलो सेटमा बेप्टिस्टले असल खेल देखाइन् तर सबालेंकाले ३ ब्रेक पोइण्ट बचाएर म्याचलाई नियन्त्रणमा राखिन्। सेटको अन्तमा बेप्टिस्टले डबल फल्ट गरिन्, जसको फाइदा उठाउँदै सबालेंकाले पहिलो सेट आफ्नो नाम गरिन्। दोस्रो सेटमा अमेरिकी खेलाड़ीले पुनरागमन गर्दै स्कोर ४-४-को बराबरीमा पुऱ्याएकी थिइन्। त्यसपछि ५-४-मा सबालेंकाको सर्विसपछि बेप्टिस्ट फेरि दबाउमा आइन् अनि लगातार ३ डबल फल्ट गरिन्, जसले बेलारुसकी खेलाड़ीलाई म्याच पोइण्ट हासिल भयो। त्यही मौकामा सबालेंकाले असाधारण फोरह्याण्ड विनर लगाएर म्याच जितिन्। अब सेमिफाइनलमा सबालेंकाको भिड़न्त कजाखस्तानकी एलेना रायबाकिनासँग हुनेछ। यी दुई खेलाड़ीबीच अहिलेसम्म १६ वटा म्याच खेलिएको छ, जसमा सबालेंका ९-७-ले अघि रहेकी छन्। हाले इण्डियन वेल्सको फाइनलमा पनि सबालेंकाले रायबाकिनालाई नै पराजित गरी खिताब जितेकी थिइन्। विश्वकी नम्बर २ खेलाड़ी रायबाकिनाले अमेरिकी खेलाड़ी जेस्सिका पेगुलालाई २-६, ६-३, ६-४-ले पराजित गरी सेमिफाइनलमा प्रवेश गरिन्। म्याचमा रायबाकिनाले धीमा शुरुवातपछि असाधारण पुनरागमन गर्दै जीत हासिल गरिन्। रायबाकिना यस साल असल फर्ममा रहेकी छन् अनि जनवरीमा उनले अष्ट्रेलियन ओपनको खिताब पनि जितेकी थिइन्। मियामी ओपनमा रायबाकिनाको सेमिफाइनलमा २-०-को रेकर्ड रहेको छ। उनले २०२३-मा पेगुला र २०२४-मा भिक्टोरिया अजारेंकालाई पराजित गरेकी थिइन् तर दुवैपल्ट फाइनलमा उनले हारको सामना गर्नु परेकी थियो। साल २०२३-मा पेट्रा क्वितोवा र २०२४-मा डेनिएल कोलिन्सले उनलाई फाइनलमा पराजित गरेकी थिइन्।