नयाँ दिल्ली: ईंग्ल्याण्डका अलराउण्डर लियाम लिविंगस्टोनले टीम म्यानेजमेण्टमाथि गम्भीर आरोप लगाउँदै ठूलो खुलासा गरेका छन्। उनले वर्तमान कोचिंग सेट-अपमा खेलाड़ीहरूसँग सही संवाद र सम्मानको कमी रहेको बताएका छन्। यसको साथमा लिविंगस्टोनले वर्तमान व्यवस्थामा उनको निम्ति ईंग्ल्याण्ड टीममा फर्किनु मुश्किल रहेको पनि संकेत दिएका छन्। ईएसपीएन-क्रिकइन्फोलाई दिएको इण्टरभ्यूमा लिविंगस्टोनले टीमबाट बाहिर गरिने प्रक्रिया र त्यससँग सम्बन्धित अनुभवहरू साझा गरेका छन्, जसले ईंग्ल्याण्ड क्रिकेटमा नयाँ बहस शुरु भएको छ। लिविंगस्टोनलाई मार्च २०२५-मा खराब फर्मले गर्दा बाहिर गरिएको थियो तर उनी यसबारे उनलाई सूचित गरिएको तरिकाले अचम्भित छन्। उनले बताएअनुसार, ईंग्ल्याण्डका मुख्य प्रशिक्षक ब्रेण्डन म्याककुलमको फोन आएको थियो अनि त्यो कल एक मिनटभन्दा कम्ती समयको थियो। लिविंगस्टोनले भने, मैले टीमबाट बाहिर गरिएको कारण सोधे। उनले मलाई अन्य कसैलाई मौका दिन चाहेको बताए। यो कुरा ब्याज (म्याककुलम)-ले गरेका थिए। चयनकर्ता ल्यूक राइटले मसँग सम्पर्क गरेनन् अनि कप्तान ह्यारी ब्रूकले केवल एउटा म्यासेज पठाए। लिविंगस्टोनले यस घटनाले टीमको माहोललाई लिएर उनको सोच बद्लिएको बताए। लिविंगस्टोनले ईंग्ल्याण्ड एण्ड वेल्स क्रिकेट बो्डका प्रबन्ध निदेशक रब की-माथि पनि संवादको कमीको आरोप लगाए। उनले भने, कीसी (रब की)-ले केही भनेनन्। उनले केवल ग्रीष्मकालमा कुरा हुनेछ भने। एकदिन मैले फोन गर्दा उनले मलाई लफबोरोमा स्टेट क्याम्पमा व्यस्त रहेको बताए। त्यसपछि सेप्टेम्बरको अन्तसम्म उनीसँग कुनै कुरा भएन। त्यस अनुभवले मेरो आँखा खोलियो।
ईंग्ल्याण्डका यस अलराउण्डरले बताएअनुसार, वर्तमान टीम माहोलमा खेलाड़ीहरूसँग व्यवहार अलग-अलग रहेको छ। उनले भने, तपाईं टीममा भइञ्जेल सबै ठीक रहन्छ तर टीमबाट बाहिर भएपछि कसैले तपाईंको पर्वाह गर्दैनन्। त्यस अनुभवपछि मैले यो कुरा बुझेको छु। यसको साथमा लिविंगस्टोनले त्यस अनुभवपछि उनले खेलको आनन्द लिन शुरु गरेको पनि बताए। लिविंगस्टोनले २०२५-को च्याम्पियन्स ट्रफीको अवधि आफ्नो संघर्षहरूको पनि उल्लेख गरे। कोचिंग स्टाफहरूसँग सहायताको कुरा गर्दा उनलाई अलग जवाफ प्राप्त भएको उनले बताए। लिविंगस्टोनले भने, मैले सहायता माग्दा मैले अधिक चिन्ता गरिरहेको बताए। उनीहरूले मलाई केही समय शान्त रहने अनि सबैथोक ठिक हुने बताए। असल प्रदर्शन गर्न नसक्दा खेलाड़ीहरू चिन्तित हुनु स्वाभाविक कुरा हो तर मलाई सहायताको सट्टा सल्लाह दिए।