नयाँ दिल्ली: आईसीसीले टी२० वर्ल्ड कप २०२६-को निम्ति सर्वश्रेष्ठ टीमको चयन गरेको छ। यस टीममा भारतका ४ जना खेलाड़ीले स्थान पाएका छन्। प्लेयर अव् द टुर्नामेण्टको खिताब जित्ने सञ्जु सेमसनको साथमा टीममा जसप्रीत बुमराह, ईशान किशन र हार्दिक पाण्ड्या रहेका छन्। टी२० वर्ल्ड कप २०२६-मा सर्वाधिक रन बनाउने पाकिस्तानका साहिबजादा फरहानलाई सेमसनको ओपनिंग जोड़ीदार चयन गरिएको छ। सेमसनले टुर्नामेण्टको दोस्रो हाफमा प्राप्त भएको मौकालाई काममा लगाउँदै असाधारण प्रदर्शन गरे अनि ५ वटा म्याचमा ३२१ रन बनाए। सुपर ८ चरणमा वेष्ट इण्डिजविरुद्ध महत्त्वपूर्ण म्याचको साथमा सेमसनले सेमिफाइनल र फाइनलमा लगातार अर्द्धशतक बनाएर भारतलाई च्याम्पियन बनाउनमा महत्त्वपूर्ण भूमिका निर्वाह गरे। भारतको निम्ति निरन्तरताको साथ रन बनाउने ईशान किशनलाई पनि आईसीसीले सर्वश्रेष्ठ टीममा राखेको छ। ईशानले ९ वटा म्याच खेलेर ३१७ रन बनाए। दक्षिण अफ्रिकालाई सेमिफाइनलसम्म पुऱ्याउने कप्तान एडेन मार्करम पनि आईसीसीको टीममा स्थान बनाउन सफल भएका छन्। मार्करमले ८ वटा म्याचमा १६५-को स्ट्राईक रेटले खेल्दै २८६ रन बनाए। मार्करमलाई आईसीसीले टीमको कप्तान पनि बनाएको छ। टी२० वर्ल्ड कपमा ब्याट र बल दुवैको साथ महत्त्वपूर्ण योगदान दिने हार्दिक पाण्ड्यालाई टीममा राखिएको छ।
यसरी ईंग्ल्याण्डका अलराउण्डर विल ज्याक्सले पनि टीममा स्थान पाएका छन्। हार्दिकले वर्ल्ड कपमा २ वटा अर्द्धशतक बनाउनको साथै महत्त्वपूर्ण विकेट पनि हासिल गरे। आईसीसीको सर्वश्रेष्ठ टीममा बलिंग आक्रमणको अगुवाई भारतका जसप्रीत बुमराहले गर्नेछन्। बुमराह टुर्नामेण्टमा संयुक्त रूपले सर्वाधिक विकेट हासिल गर्ने बलर रहेका थिए। उनले ८ वटा म्याचमा १४ विकेट लिए। बुमराहलाई साथ दिन लुंगी एनगिडी, ब्लेसिंग मुजरबानी र जेसन होल्डरलाई चयन गरिएको छ। यसरी ईंग्ल्याण्डका आदिल राशिद एकमात्र विशेषज्ञ स्पिनर हुनेछन्। १२औं खेलाड़ीको रूपमा अमेरिकाका पेस बलर शेडली वेन शाल्कविकलाई चयन गरिएको छ। उनले टुर्नामेण्टमा केवल ४ वटा म्याच खेलेर १३ विकेट हासिल गरे।
आईसीसी टीम अव् द टुर्नामेण्ट यसप्रकार रहेको छः
साहिबजादा फरहान, सञ्जु सेमसन (विकेटकीपर), ईशान किशन, एडेन मार्करम (कप्तान), हार्दिक पाण्ड्या, विल ज्याक्स, जेसन होल्डर, जससप्रीत बुमराह, लुंगी एनगिडी, आदिल राशिद, ब्लेसिंग मुजरबानी।
१२औं खेलाड़ीः शेडली वान शाल्कविक।