नक्सलबारी: माटीगाडा–नक्सलबारी विधानसभा क्षेत्रअन्तर्गत पाथरघाटा मण्डलको गावलजोतेस्थित बुथ नं. १८९ र १९२ का गाउँलेहरूसँग दार्जिलिङ लोकसभा सांसद राजु विष्टले बैठक तथा अन्तरक्रिया कार्यक्रम सम्पन्न गरे। सांसदले कार्यक्रममा स्थानीय बासिन्दासँग समसामयिक राजनीतिक अवस्था तथा क्षेत्रीय समस्याबारे छलफल गरे।
प्राप्त जानकारी अनुसार बैठकका क्रममा वक्ताहरूले तृणमूल कांग्रेस (टीएमसी) को शासनकालमा क्षेत्रले विभिन्न समस्या भोग्नुपरेको आरोप लगाए। व्यापक भ्रष्टाचार, नातावाद–कृपावाद तथा भूमाफिया, बालुवामाफिया लगायत आपराधिक गतिविधिहरूलाई संरक्षण गरिएको दाबी गर्दै यसले विकास प्रक्रियामा नकारात्मक असर पारेको उल्लेख गरे।
कार्यक्रममा सहभागीहरूले राज्यमा स्वच्छ, इमानदार र पारदर्शी सरकार स्थापना आवश्यक रहेको धारणा व्यक्त गरे। उनीहरूले सीमान्तकृत क्षेत्रहरू स्रोत–साधनको अभावका कारण पछाडि नपरोस् भन्ने उद्देश्यले आगामी दिनमा सशक्त राजनीतिक परिवर्तन आवश्यक रहेको बताए।
उक्त कार्यक्रममा पाथरघाटा मण्डलका अध्यक्षसहित अन्य कार्यकर्ताहरूको पनि उपस्थिति रह्यो।