नयाँ दिल्ली: भारत र पाकिस्तानबीच १५ फरवरीमा आईसीसी टी२० वर्ल्ड कपको ग्रुप म्याच तय कार्यक्रम अनुसार नै खेलिनेछ। यसको घोषणा पाकिस्तान सरकारले सोशल मीडियामा गरेको छ। यसअघि पाकिस्तान सरकारले नै उनीहरूको टीमले टी२० वर्ल्ड कप २०२६-मा खेले पनि भारतविरुद्ध ग्रुप म्याच वहिष्कार गर्ने घोषणा गरेको थियो। अहिले दबाउमा आएर पाकिस्तान सरकारले यू-टर्न लिएको छ। पाकिस्तान सरकारको तर्फबाट जारी आधिकारिक बयानमा भनिएको छ, बहुपक्षीय चर्चाहरूबाट प्राप्त नतीजा तथा मित्र देशहरूको अनुरोधलाई ध्यानमा राख्दै, पाकिस्तान सरकारले पाकिस्तान राष्ट्रिय क्रिकेट टीमलाई आईसीसी पुरूष टी २० वर्ल्ड कपअन्तर्गत आफ्नो निर्धारित म्याचको लागि १५ फरवरीमा मैदानमा ओर्लिने निर्देश दिएको छ। यसका साथै, क्रिकेटको भावनाको संरक्षण गर्नु तथा सहभागी सबै देशहरूमा यस विश्वव्यापी खेलको निरन्तरतालाई समर्थन गर्नु नै यस निर्णयको उद्देश्य रहेको छ। प्रधानमन्त्री शहबाज शरीफलाई पाकिस्तान क्रिकेट बोर्ड (पीसीबी)-का प्रमुख मोहसिन नकवीले वर्तमान घटनाक्रमको विस्तारले जानकारी दिए। यस अवधि पीसीबी, अन्तर्राष्ट्रिय क्रिकेट परिषद (आईसीसी) र बंग्लादेश क्रिकेट बोर्ड (बीसीबी)-बीच भएको उच्चस्तरीय बैठकहरूको नतीजामाथि पनि चर्चा भयो। पाकिस्तान सरकारले बताएअनुसार, बीसीबी-को तर्फबाट पीसीबी-लाई पठाइएको औपचारिक अनुरोधहरूको समीक्षा गरियो, जसलाई श्रीलंका, संयुक्त अरब अमीरात (यूएई) र अन्य सदस्य देशहरूका समर्थन प्राप्त थियो। यी देशहरूले जारी गतिरोधलाई समाप्त गर्नको निम्ति पाकिस्तानसँग नेतृत्वकारी भूमिका निर्वाह गर्ने आग्रह गरेको थियो। बयानमा पाकिस्तान बंग्लादेशसँग काँधमा काँध मिलाएर उभिने पनि दोहोऱ्याइएको छ। यसबाहेक प्रधानमन्त्री शरीफ र श्रीलंकाका राष्ट्रपति अनुरा कुमारा दिसानायकेबीच टेलिफोनमा कुराकानी भएको पनि बयानमा उल्लेख गरिएको छ। उल्लेखनीय छ, आईसीसीले भारतमा नखेल्ने मागले गर्दा बंग्लादेशलाई टी२० वर्ल्ड कपबाट बाहिर गरेको थियो। बंग्लादेशको स्थानमा ग्रुप सी-मा स्कटल्याण्डलाई सामेल गरिएको थियो। यस मामिलामा पाकिस्तानले खुट्टा हालेर बंग्लादेशलाई खुलेर समर्थन गरेको थियो। यस मामिलामा पीसीबी अध्यक्ष मोहसिन नकवीले देशका प्रधानमन्त्री शरीफसँग भेट गरेर उनलाई स्थितिको जानकारी दिएका थिए। त्यसपछि पाकिस्तान सरकारले पनि उनीहरूका राष्ट्रिय टीमले टी२० वर्ल्ड कपमा हिस्सा लिए पनि १५ फरवरीमा भारतविरुद्ध खेलिने म्याचलाई वहिष्कार गर्ने घोषणा गरेको थियो। आईसीसीले पनि पाकिस्तानको यस फसेलामाथि निराशा व्यक्त गर्दै सम्भावित कार्वाहीबारे सूचित गरेको थियो। पीसीबी-ले आईसीसीसँग फोर्स मेज्योर प्रावधान लागू गर्ने माग गरेको थियो तर क्रिकेटको वैश्विक संस्थाले यसबारे उनीहरूसँग स्पष्टीकरण मागेको थियो। पीसीबी र आईसीसीबीच आइतवार बैठक भएको थियो, जसमा बीसीबी अध्यक्ष अनीमुल इस्लाम पनि सामेल थिए। त्यसपछि पीसीबी-ले ३ वटा माग राखेको थियो, जसलाई आईसीसीले खारेज गरेको थियो। त्यसपछि केही शीप नचलेर पाकिस्तानले सोमवार यू-टर्न लिँदै १५ फरवरीमा म्याच खेल्ने घोषणा गऱ्यो।