नयाँ दिल्ली: टी२० वर्ल्ड कप अघि भारतीय टीमलाई ठूलो झट्का लागेको छ। पेस बलर हर्षित राणा चोटले गर्दा टुर्नामेण्टबाट बाहिर भएका छन्। दक्षिण अफ्रिकाविरुद्ध खेलिएको अभ्यास म्याचको अवधि हर्षितको घुँड़ामा चोट लागेको थियो। त्यही चोटले गर्दा उनी टुर्नामेण्टबाट बाहिर भएका छन्। हर्षितले अहिलेसम्म भारतको निम्ति ९ वटा टी२० इण्टरनेशनल म्याच खेलेर ९ विकेट एका छन् अनि उनको सर्वश्रेष्ठ प्रदर्शन ३/३३ रहेको छ। हर्षित टुर्नामेण्टबाट बाहिर भएपछि बीसीसीआई-ले मोहम्मद सिराजलाई टी२० वर्ल्ड कपको टीममा सामेल गरेको छ। सिराज यसअघि २०२४ टी२० वर्ल्ड कपको टीममा पनि रहेका थिए तर उनले मौका पाएका थिएनन्। उनले आफ्नो अन्तिम टी२० इण्टरनेशनल म्याच ३० जुलाई २०२४-मा श्रीलंकाविरुद्ध खेलेका थिए। त्यसपछि उनी भारतीय टी२० टीमबाट बाहिर रहेका थिए। यस पेस बलरले टी२० इण्टरनेशनलमा १६ वटा म्याचमा १४ विकेट लिएका छन् अनि उनको सर्वश्रेष्ठ प्रदर्शन ४/१७ रहेको छ। टी२० वर्ल्ड कप शनिवारदेखि शुरु भइसकेको छ अनि टुर्नामेण्टको फाइनल ८ मार्चमा खेलिनेछ। टुर्नामेण्टको अवधि जम्मा ५५ वटा म्याच खेलिनेछ। यसमा ग्रुप चरणको ४० वटा म्याच, सुपर ८-को १२ वटा म्याच, २ वटा सेमिफाइनल र फाइनल सामेल छ।