रियो डी जेनेरो: पूर्व दिग्गज फूटबलर रोनाल्डोले बताएअनुसार, उनलाई यस साल फिफा वर्ल्ड कपमा एउटा नयाँ ऊर्चाले भरिएको ब्राजील टीम देख्न पाउने आशा छ अनि उनले म्यानेजर कार्लो एन्सेलोट्टीको सकारात्मक प्रभावको पनि प्रशंसा गरेका छन्। ५ पल्टको वर्ल्ड च्याम्पियन ब्राजील क्वालीफायरमा आफ्नो सर्वश्रेष्ठ प्रदर्शनदेखि निक्कै टाढ़ो थियो अनि १० वटा टीमको दक्षिण अमेरिकी ग्रुपमा पाँचौं स्थानमा रह्यो। ग्रुपको शीर्षमा रहने अर्जेण्टिनाभन्दा ब्राजीलसँग १० पोइण्ट्स कम्ती थियो। क्वालीफायरमा औसत प्रदर्शन गरे पनि गत वर्ष मईमा एन्सेलोट्टीको नियुक्तिपछि राष्ट्रिय टीममा नयाँ आत्मविश्वास फर्किएको रोनाल्डोले बताएका छन्। २ पल्टका वर्ल्ड कप विजेता फूटबलरले एउटा कार्यक्रममा भने, म धेरै आशावादी छु। मैले एन्सेलोट्टीसँग धेरैपल्ट भेट गरेको छु अनि छैटौं खिताबमाथि विश्वास गर्न हामीले एउटा चाखलाग्दो विज्ञापन पनि शूट गरेका छौं। मलाई उनको काम गर्ने तरिका थाहा छ। यसैकारण उनी राष्ट्रिय टीममा सामेल भएपछि म पहिलाभन्दा धेरै उत्साहित छु। वर्ल्ड कपको आयोजन ११ जूनदेखि १९ जुलाईसम्म अमेरिका, मेक्सिको र क्यानाडामा हुनेछ। ग्रुप बी-मा रहने ब्राजीलको पहिलो म्याच १३ जूनमा मोरक्कोविरुद्ध रहेको छ। त्यसपछि १९ जूनमा हैती र २४ जूनमा स्कटल्याण्डविरुद्ध म्याच रहेको छ।
ब्राजीलले अन्तिमपल्ट २००२-मा वर्ल्ड कप जितेको थियो अनि त्यस संस्करणमा रोनाल्डोले ८ गोल गरेका थिए, जसमा जर्मनीविरुद्ध फाइनलमा गरेको २ गोल पनि सामेल छ। रोनाल्डोको भनाइअनुसार, वर्ल्ड कपले देशलाई एकजुट गर्नेछ। बार्सिलोना र रियल म्याड्रिडका पूर्व स्टार फूटबलरले भने, यो (वर्ल्ड कप) एकजना ब्राजीलियनको निम्ति सबैभन्दा ठूलो खुशी हो। यो एउटा यस्तो आयोजन हो, जसले हाम्रो छैटौं खिताबको खोजमा सम्पूर्ण देशलाई एकजुट गर्नेछ। मेरो विचारमा हामीले यसको फाइदा उठाउनु पर्नेछ। रोनाल्डोले बताएअनुसार, उनले २०२४ र २०२५-मा क्रमशः ब्राजीलको क्रूजेरो र स्पेनको वालाडोलिडमा आफ्नो अधिकांश हिस्सेदारी बेचेपछि फूटबल क्लबको स्वामित्वबाट एक कदम पछि हट्ने फसेला गरेका छन्। उनले भने, फूटबल टीमहरूसँग सम्बन्धिक प्रोजेक्ट्ससँग मेरो कुनै वित्तीय लक्ष्य थिएन। म केवल आफ्नो एउटा प्रोजेक्ट लीड गर्ने अनुभव लिन चाहन्थे। यो अनुभव असल रह्यो तर क्लबलाई अघि बढ़्नको निम्ति मलाई पछि हट्ने आवश्यकता रहेको अनुभव भएपछि मैले तुरन्तै दुवै स्टेक बेच्ने फसेला गरे। रोनाल्डो अहिले सानो व्यावसायिक परियोजनाहरूमाथि ध्यान दिइरहेका छन्, जसमा साओ पाउलोमा एउटा नयाँ स्पोर्ट्स कम्प्लेक्सको योजना रहेको छ।