सिडनी: असल फर्ममा रहे पनि अष्ट्रेलियाको टी२० वर्ल्ड कप टीमबाट बाहिर गरिएपछि अनुभवी ब्याटर स्टीव स्मिथले राष्ट्रिय टीममा फर्किन पाकिस्तान सुपर लीग (पीएसएल)-मा खेल्ने फसेला गरेका छन् अनि यसको निम्ति उनले नयाँ फ्रेञ्चाइजी सियालकोट स्टेलियञ्जसँग अनुबन्ध गरेका छन्। एशेजमा असाधारण प्रदर्शन अनि सिडनी सिक्सर्सको साथ बिग ब्याश लीग (बीबीएल)-मा प्रभावशाली प्रदर्शनपछि पनि स्मिथलाई टी२० वर्ल्ड कपको टीममा स्थान प्राप्त भएन, जुन ७ फरवरीदेखि शुरु हुनेछ। स्मिथ २०२८-मा लस एञ्जिलिसमा हुने ओलम्पिक खेलहरूमा हिस्सा लिन चाहन्छन्, जहाँ क्रिकेट टी२० प्रारूपमा खेलिनेछ। यसैकारण ३६ वर्षीय स्मिथ अहिले राष्ट्रिय टीममा फर्किने प्रयासमा रहेका छन्। मीडिया रिपोर्टहरू अनुसार, सियालकोट स्टेलियञ्जमा सामेल हुने स्मिथ पहिलो क्रिकेटर हुन्। स्टेलियञ्जले अष्ट्रेलियाका पूर्व टेस्ट कप्तान टिम पेनलाई आफ्नो मुख्य प्रशिक्षक नियुक्त गरेको छ जबकि पूर्व पेस बलर जेसन गिलेस्पी पीएसएल-को अन्य एउटा नयाँ फ्रेञ्चाइजी हैदराबाद किंग्समेनमा मुख्य प्रशिक्षकको रूपमा काम गर्नेछन्।