लण्डन: ईंग्लिश प्रीमियर लीग फूटबल प्रतियोगितामा म्यानचेष्टर सिटी ड्र-मा रोकियो जबकि लिभरपूल र म्यानचेष्टर युनाइटेडले आ-आफ्नो म्याच जित्यो। आइतवार राति म्यानचेष्टर सिटी र टोटनह्यामबीच खेलिएको म्याच २-२-ले ड्र रह्यो। यस अवे म्याचमा ६१ प्रतिशत पोजेशनको साथ खेल्ने म्यानचेष्टर सिटी मध्यान्तरसम्म २-०-को बढ़तमा रहेको थियो तर होम टीमले पनि मध्यान्तरपछि पुनरागमन गर्दै अन्तमा २-२-को बराबरी हासिल गऱ्यो। सिटीको तर्फबाट म्याचमा रायान चेर्कीले ११औं र एण्टोनी सेमेन्योले ४४औं मिनटमा गोल गरे। यसरी टोटनह्यामको तर्फबाट डोमिनिक सोलांकेले ५३औं र ७०औं मिनटमा २ गोल गरे। यस ड्र पछि म्यानचेष्टर सिटी २४ वटा म्याचमा ४७ पोइण्ट्सको साथ प्रीमियर लीग पोइण्ट्स टेबलको दोस्रो स्थानमा रहन पुग्यो। यसरी टोटनह्याम २९ पोइण्ट्सको साथ १४औं स्थानमा रहेको छ। लिभरपूलले चाहिँ न्यूक्यासलविरुद्ध ४-१-ले एकतर्फी जीत हासिल गऱ्यो। आफ्नो होम ग्राउण्ड एनफील्डमा ५४ प्रतिशत पोजेशनको साथ खेल्ने लिभरपूलको तर्फबाट म्याचमा ह्यूगो एकिटिकेले ४१औं र ४३औं मिनटमा २ गोल गरे। यसबाहेक फ्लोरियन विर्त्जले ६७औं मिनट र इब्राहिम कोनाटेले इञ्ज्युरी टाइमको तेस्रो मिनटमा गोल गरे। न्यूक्यासलको निम्ति एन्थोनी गोर्डनले ३६औं मिनटमा गोल गरे। लिभरपूल ३९ पोइण्ट्सको साथ छैटौं स्थानमा रहेको छ। यसरी दशौं स्थानमा रहने न्यूक्यासलसँग ३३ पोइण्ट्स रहेको छ।
म्यानचेष्टर युनाइटेडले पनि आफ्नो फर्म कायम राख्दै फूलह्यामविरुद्ध ३-२-ले रोमाञ्चक जीत हासिल गऱ्यो। म्याचमा ४ वटा गोल दोस्रो हाफको खेलमा भयो। आफ्नो होम ग्राउण्ड ओल्ड ट्रेफर्डमा ४६ प्रतिशत पोजेशनको साथ खेल्ने म्यानचेष्टर युनाइटेडको तर्फबाट कासेमिरोले १९औं मिनट, माथ्यूस कुन्हाले ५६औं मिनट र बेञ्जामिन सेस्कोले इञ्ज्युरी टाइमको चौथो मिनटमा गोल गरे। यसरी फूलह्यामको निम्ति राउल गिमिनेजले ८५औं मिनट र केविनले इञ्ज्युरी टाइमको पहिलो मिनटमा गोल गरे। यस जीतको साथ म्यानचेष्टर युनाइटेड ४१ पोइण्ट्सको साथ चौथो स्थानमा पुग्यो जबकि फूलह्याम ३४ पोइण्ट्सको साथ आठौं स्थानमा रहेको छ। प्रीमियर लीगको अन्य एउटा म्याचमा ब्रेण्टफोर्डले एस्टन भिल्लालाई १-०-ले पराजित गऱ्यो। यसरी नटिंघम फरेष्ट र क्रिस्टल प्यालेसबीच खेलिएको म्याच १-१-ले ड्र रह्यो।